QOSTANAI. 13 mamyr. Qostanaılyq órt sóndirýshiler Otan qorǵaýshylar kúni merekesi qarsańynda Qazaqstan Prezıdentiniń qolynan memlekettik nagradalar alǵan bolatyn. Oblys ortalyǵyndaǵy «Mıras» mádenıet úıinde olarǵa qurmet kórsetildi. Bul týraly ng.kz saıtyna silteme jasaǵan egemen.kz tilshisi habarlady.
Qostanaı qalasyndaǵy №3 órt bólimshesiniń komandıri Danııar Qalıev pen Arqalyq qalasyndaǵy №2 mamandandyrylǵan otrıadtyń órtten qorǵaýshysy Bolatbek Hamze Otan qorǵaýshylar kúni merkesi qarsańynda Qazaqstan Prezıdentiniń qolynan «Erligi úshin» medalin alǵan bolatyn. Alapat órt kezinde erlikpen qaza tapqan Jitiqara qalasyndaǵy órt bólimi kúzetiniń bastyǵy Maqsut Imanbaev 2-shi dárejeli «Aıbyn» ordenimen marapattaldy.
Serjant Danııar Qalıev bıyl aqpan aıynda kóp qabatty úıde shyqqan órtten eki eresek adam men úsh balany aman qutqaryp qaldy. Joǵary qabattan taǵy da 24 adamdy aman esen dalaǵa shyǵaryp úlgerdi. Sonymen qatar aqpannyń aıaq kezinde óndiristik nysandaǵy gaz toltyrylǵan sısternanyń jarylýyna jol bermedi.
Aǵa serjant Bolatbek Hamza ótken jyly órtenip jatqan páterden er adamdy alyp shyǵyp, oǵan alǵashqy medısınalyq kómek kórsetti. 2015 jyly jeltoqsanda Arqalyq qalasyndaǵy jataqhanada shyqqan órtti sóndirýge qatysty. Ol úshinshi qabatqa shyǵyp, onda kishkentaı eki sábıdi taýyp alyp, olardy kórpege orap , taza aýaǵa shyǵardy.
Al órt kezinde erlikpen qaza tapqan Maqsut Imanbaevqa tıesili 2-shi dárejeli «Aıbyn» ordeni Jitiqara qalasyndaǵy onyń týystaryna tapsyrylatyn bolady. Maqsut ótken jyly qarashada gaz balony jarylǵanda joldastaryn denesimen jaýyp, ózi ot tolqynynyń soqqysynan qaza tapqan bolatyn.
Názıra Járimbetova.
Derek, foto: ng.kz.