2015 jylǵy 16 naýryz Astana qalasy
Avarııalyq-qutqarý qyzmetteri men quralymdary qutqarýshylarynyń
synyptylyǵyna ústemeaqylar tóleý qaǵıdalaryn bekitý týraly
«Azamattyq qorǵaý týraly» 2014 jylǵy 11 sáýirdegi Qazaqstan Respýblıkasy Zańynyń 12-baby 1-tarmaǵynyń 70-12) tarmaqshasyna sáıkes buıyramyn:
1. Qosa berilip otyrǵan Avarııalyq-qutqarý qyzmetteri men quralymdary qutqarýshylarynyń synyptylyǵyna ústemeaqylar tóleý qaǵıdalary bekitilsin.
2. Qazaqstan Respýblıkasy Ishki ister mınıstrliginiń Tótenshe jaǵdaılar komıteti (V.V.Petrov) zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty memlekettik tirkegennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Ishki ister mınıstrliginiń ınternet-resýrsyna ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary V.K.Bojkoǵa júktelsin.
4. Osy buıryq alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi.
Mınıstr polısııa general-leıtenanty Q.QASYMOV
Qazaqstan Respýblıkasy Ishki ister mınıstriniń 2015 jylǵy 16 naýryzdaǵy №226 buıryǵymen bekitilgen
Avarııalyq-qutqarý qyzmetteri men quralymdary qutqarýshylarynyń
synyptylyǵyna ústemeaqylar tóleý qaǵıdalary
1. Osy Avarııalyq-qutqarý qyzmetteri men quralymdary qutqarýshylarynyń synyptylyǵyna ústemeaqylar tóleý qaǵıdalary avarııalyq-qutqarý qyzmetteri men quralymdary qutqarýshylarynyń synyptylyǵyna ústemeaqylar tóleý tártibin aıqyndaıdy.
2. Merzimdi attestattaý barysynda synyptylyq berilgen, sondaı-aq merzimdi, kezekten tys jáne qaıta attestattaý barysynda ony rastaǵan qutqarýshylarǵa «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2007 jylǵy 29 jeltoqsandaǵy № 1400 qaýlysymen belgilengen mólsherde ústemaqy tólenedi.
3. Avarııalyq-qutqarý qyzmetteri men quralymdary qutqarýshylarynyń synyptylyǵy úshin ústemeaqylar tóleý avarııalyq-qutqarý qyzmetteri men quralymdary basshysynyń synyptyq berý (rastaý) týraly buıryǵynyń negizinde, merzimdi attestattaý qorytyndysy boıynsha júrgiziledi.
4. Merzimdi jáne kezekten tys attestattaý ótpegen avarııalyq-qutqarý qyzmetteri men quralymdary qutqarýshylaryna avarııalyq-qutqarý qyzmetteri men quralymdary basshysynyń sáıkes buıryǵynyń negizinde synyptylyǵy úshin ústemeaqylar tóleý toqtatylady.
5. Avarııalyq-qutqarý qyzmetteri men quralymdary qutqarýshylaryna synyptylyǵy úshin ústemeaqylar tóleý olar qaıta attestattaýdan ótken soń avarııalyq-qutqarý qyzmetteri men quralymdary basshysynyń synyptylyǵyn rastaý týraly buıryǵynyń negizinde qaıta jalǵastyrylady.
6. Avarııalyq-qutqarý qyzmetteri men quralymdary qutqarýshylaryna synyptylyǵy úshin ústemeaqylar tóleý qaıta attestattaý kezinde qutqarýshy synyptylyǵyn joǵaltqan (rastamaǵan) jaǵdaıda avarııalyq-qutqarý qyzmetteri men quralymdary basshysynyń sáıkes buıryǵynyń negizinde toqtatylady.
Buıryq Qazaqstan Respýblıkasynyń Ádilet mınıstrliginde 2015 jylǵy 24 sáýirdegi Normatıvtik quqyqtyq kesimderdi memlekettik tirkeýdiń tizilimine № 10709 bolyp engizildi.