Álem-jálem álem
Italııa bıligi Rım men Mılan qalalary kóshelerindegi tártipti baqylaý jumysyna Qytaı polıseılerin tartýǵa sheshim qabyldady.
Eldiń ishki ister mınıstri Andjelıno Anfaronyń aıtýynsha, óz otandastarynyń kúzetýleri munda kelgen qytaılyq týrısterdiń qaýipsiz bolýlaryna kómektesedi. «Eksperıment Qytaı týrısteriniń ózderin munda qaýipsiz sezinýleri úshin jasalyp jatyr», dedi bas polıseı.
Italıan mamandarynyń jetekshiligimen Beıjińde mashyqtan ótken qytaılyq tártip saqshylary Pıreneı túbeginde ózderiniń formalarymen júretin bolady.
Jumystyń kóńilsizdigi úshin bastyǵyn sotqa berdi
Fransýz Frederık Deznard eńbek júktemesiniń óte tómen bolǵandyǵy úshin óziniń jumys berýshisinen 360 myń eýro kóleminde tólemaqy talap etti.
Er kisiniń aıtýynsha, basshylyq ózine jumysty óte az bergendikten ne isterin bilmeı, tipti, keıde jalyǵyp ketetin bolǵan. Ol Interparfum dep atalatyn iri parfıýmerııa kompanııasynda jumys jasapty. Munda tórt jyl atqarǵan jumysy kezinde júktemeniń kemdiginen ózin eshkimge kereksiz sezingen. Sonyń saldarynan mansap jaǵynan da, biliktilik jaǵynan da óspegen.
Úndistanda sý perisi keıiptes bala dúnıege keldi
Úndistannyń Ýttar-Pradesh shtatyndaǵy Saharanpýr qalasynda sý perisiniń sındromy bar bala týylyp, nebári 10 mınýt qana ómir súrgen.
Dárigerdiń jetkizýinshe, 22 jastaǵy jas ana ózinen eki aıaǵy bir-birimen birigip ketken náresteniń dúnıege kelgeli turǵanyn júktiliktiń 30-shy aptasynda bilgen. Sonda da bolsa, balany jaryq dúnıege kelgen kezinde kóre salyp, esinen tanyp qalǵan. Úndi elinde mýtant balalardyń týylýlary onshalyqty sırek oqıǵa bolmaǵanymen, bul aıaqtary balyqtyń quıryǵyndaı tutas bolyp shyqqan birinshi jaǵdaı bolyp otyr.
Ulyn úılendirý úshin áýeli ózi úılendi
Saýd Arabııasynyń turǵyny ulyn úılendirmek bolyp júrip, aqyr sońynda ózi de úılenip tyndy.
Yqtımal kúıeý jigit esebindegi balasyn alyp, qalyńdyq kórýge jolǵa shyqqan er kisi kútpegen oqıǵaǵa kezikti. Aldyn ala kelisim bolǵanyna qaramastan, jigit kózdep barǵan qyzdyń anasy ony úlken qyzynan buryn kúıeýge bermeıtinin aıtyp, qasarysyp otyryp alady. Sol kezde jigittiń ákesi tuıyqtan shyǵýdyń joly retinde úlken qyzdy ózi alatynyn aıtady. Osydan keıin eki qyzdyń birin ákesi, ekinshisin uly alyp qaıtty.
Qytaıda týǵan balanyń aıaqtarynda 31 saýsaq bar
Qytaıdyń Hýnan provınsııasyndaǵy eldi mekende týylǵan úsh aılyq Honghonga esimdi balanyń bir aıaǵynda – 15, ekinshi aıaǵynda 16 saýsaq bar bolyp shyqty.
Medıkterdiń aıtýlaryna qaraǵanda, bóbek polıdaktılızm aýrýynyń aýyr túrimen aýyrady. Oǵan ota jasaý úshin kóp aqsha kerek kórinedi. Operasııanyń ózi ońaı bolmaıtyn túri bar. Balaǵa bul dert anasy arqyly kelgen. Onyń qoldary men aıaqtarynyń árbirinde 12 saýsaqtan bar eken.
Júzdegi áıel júgirýden álem rekordyn jańartty
О́ziniń ǵasyrlyq jasqa jetkenine qaramaı, Nıý-Iorkte turatyn Ida Kıılıng belsendi túrde jattyǵyp turady.
Ol 80 jastan asqandardyń arasyndaǵy 100 ıard (91 metr) qashyqtyqqa júgirýde álem rekordyna ózgeris engizgen. Sportshy kempir Fıladelfııada bul aralyqty 1 mınýt 17 sekýndta júgirip ótken. Qazir shópsheginiń kózin kórip otyrǵan ol óz qyzy Shellıdiń baqylaýynda jattyǵady.
Aqparat agenttikteriniń materıaldary negizinde daıyndaldy