ASTANA. 15 mamyr. Keshe Túrkııa prezıdenti Redjep Taııp Erdoǵannyń qyzy Sıýmeııe Erdoǵan turmysqa shyqty. Bul týraly Hürriyet aqparyna silteme jasaǵan ras.kz málimetine súıengen egemen.kz tilshisi habarlady.
Túrik prezıdentiniń qyzy Sıýmeııe Erdoǵan men Seljýk Baıraktardyń úılený toılary Ystanbýldaǵy Iаhıa Kemal atyndaǵy mádenıet ortalyǵynda ótti. Osy jerde jastardyń nekeleri qıyldy. Onyń barysynda «Adam týǵan kezde jylaıdy, bul jylaýdyń sońǵysy bolsyn» degen án shyrqaldy. Sharanyń sońynda Redjep Erdoǵan qatty tolqyp sóz sóılep, úılenip jatqan qyzy men kúıeý balasyn quttyqtady.
Neke qııý saltyna Ystanbýl qalasynyń meri Kadır Torbash, eldiń burynǵy prezıdenti Abdýlla Gýl men premer-mınıstr Ahmet Davýtoglý qatysty.
Túrkııa prezıdentiniń kúıeý balasy pılotsyz ushatyn apparattar óndirý jónindegi ınjener, belgili kásipker bolyp shyqty.
Pákistannyń The News gazetiniń málimetinshe, túrik prezıdenti qyzynyń úılený toıyna Ázerbaıjan prezıdenti Ilham Álıev, Pákistan premer-mınıstri Navaz Sherıf pen onyń inisi Shahbaz Sherıf, Katar sheıhi Tamım bın Hamad ál-Tanı jáne basqalar shaqyrylǵan.
Ystanbulda prezıdent qyzynyń úılený toıyna baılanysty qaýipsizdiktiń barlyq sharalary qarastyrylǵan. Qaýipsizdikti qamtamasyz etý úshin tipti spýtnıkter de iske qosylypty.
Talǵat Raıymbek.
Derek, foto: Hürriyet.