ASTANA. 15 mamyr. Sırııanyń shyǵysyndaǵy Daır-ez-Zaýr qalasynda ornalasqan aýrýhanalardyń birin lańkester birneshe saǵatqa basyp aldy. Bul týraly inform.kz-ke silteme jasaǵan egemen.kz tilshisi habarlady.
Kýágerlerdiń aıtýynsha, qaqtyǵys kezinde shamamen úkimet áskerinen 35 adam, al lańkestik uıymnyń 20-dan astam sodyry qaza tapty. Sonymen qatar, birneshe dárigerlerdi tutqynǵa alyp ketti. Olardyń ómirinen ázirge naqty málimet joq.
Brıtanııadaǵy adam quqyqtaryn baqylaý boıynsha sırııalyq ortalyqtyń málimetterine sáıkes, ekstremısterge toıtarys berý nátıjesinde jaýyngerler aýrýhanany baqylaýdy ózderine qaıtaryp aldy. Qazir jaralanǵandarǵa kómek kórsetilip jatyr.
Bul iske IM uıymynyń qatysy bar degen boljam bar. Sebebi, olar Daır-ez-Zaýr qalasynyń jartysynan astam bóligin óz baqylaýynda ustap otyr. Aldaǵy ýaqytta qalany tolyqtaı basyp alýdy kózdeýde.
Aıan Ábdýálı.
Derek: inform.kz.
Foto: ria.ru.