ASTANA. 15 mamyr. Iraktyń Tadjı qalasynda gaz óńdeıtin zaýytqa sodyrlar shabýyl jasady. Saldarynan 14 adam opat boldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Lańkesterdiń áreketinen qaza tapqandardyń arasyndaǵy 8 adam tártip saqshylary ekeni belgili boldy. Qazir oqıǵa ornynda tergeý amaldary júrip jatyr. Bul isti «Irak pen Levant lańkestik toby» óz moınyna aldy.
Málimetter boıynsha, olar aldymen jarylǵysh zat ornatylǵan kólikti kásiporynnyń qasynda jaryp jibergen. Osydan keıin 6 ekstremıst ǵımarattyń ishine enip, ózderin jaryp jiberýge árekettengen. Biraq polısııa qyzmetkerleri bul oılaryn júzege asyrýǵa múmkindik bermeı, der kezinde qolǵa túsirdi.
Aıan Ábdýálı.
Derek, foto: RIA «Novostı».