Chempıondyqty «shappaı aldy»

Keshe qazaqstandyq kásipqoı boksshy Gennadıı Golovkınniń WBC nusqasy boıynsha orta salmaqta Álem chempıony ataǵyn alǵany belgili boldy. Buǵan ol meksıkalyq Saýl «Kanelo» Alvares osy salmaqtaǵy chempıondyǵy ataǵynan bas tartqannan keıin qol jetkizdi. Osylaısha burynǵy WBA (Super), IBO, IBF chempıondyqtary qataryna taǵy bir versııany qosty. «Dúnıejúzilik «Golden Boy Promotions» boks keńesi Saýl «Kanelo» Alvarestiń orta sal­maq­taǵy WBC beldiginen bas tart­qany týraly resmı málimdeme aldy. Osyǵan oraı Gennadıı Go­lovkın WBC nusqasy boıynsha orta salmaqtaǵy Álem chempıony atandy. WBC «Kaneloǵa» mansabynda sáttilik tileıdi, bolashaqta Golovkın-Alvares jekpe-jegin kórýge úmittimiz», – delingen uıym taratqan habarlamada. Aıta keteıik, Gennadıı Go­lovkın men Saýl Alvares ko­mandalary 24 mamyrda eki boks­shynyń alda ótýge tıisti jekpe-jekteri týraly kelisimge kelýleri kerek-tin. Onda kelisim bolmaǵan jaǵdaıda promoýterlik saýda júrgizilýge tıis edi. Osy tusta GGG promoýteri Tom Leffler arada taǵy bir promoý­terlik urys ótýine nemese «Kane­lomen» shaıqasty keıinge qal­dyrýǵa jol berilmeıtinin anyq baı­qatty. Al sonyń aldyn mek­sıkalyq byl­ǵary qolǵap sheberi jekpe-jekten bas tartsa, tıtýldan aıyrylyp, qazaqstandyq tarlan WBC-tiń tolyqqandy chempıony atanatyny aıtylǵan. Degenmen, Golovkınniń pro­moý­teri meksıkalyq boksshy­nyń bas tartýy óz josparlary­na ózgertý ákele almaıtynyn, shaıqas ótkizýdiń joldary bári­bir qarastyryla beretinin jet­kizdi. Bul jaǵdaıǵa belgili boks sheberi Floıd Meıvezer sál basqasha baǵa berip otyr. Ol «Kaneloǵa» Golovkınniń emes, Golovkınge «Kane­lonyń» kerek ekenin aıtady. Sharshy alańdaǵy shaıqas jaǵdaıynyń ózgerip ketýine baılanysty qazir qazaqstandyq boks­shynyń jýyq arada Lanıel Djeı­kobspen jekpe-jekke shyǵatyny belgili boldy. Rýslan IGILIK