Sankt-Peterbýrgtiń sazdy sálemi

Jaqynda Qazaqstan Respýb­lıkasy Tuńǵysh Prezıdenti – Elbasy Qorynyńynda Aqmola oblysy jáne Astana qalasy balalar úıiniń tárbıelenýshileri jáne múmkindigi shekteýli balalardyń, sondaı-aq mýzykalyq mektep-ınternattar oqýshylarynyń aldynda (250 baladan astam) birinshi ret Smolnyı shirkeýiniń Kameralyq hory (Sankt-Peterbýrg qalasy) konsert berdi. Konsertpen qatar, Neva óze­ni boıyndaǵy qalanyń jańa kel­betin ashatyn «Peterbýrg – perishtelerdiń kózimen: Isaakıı­diń kózimen» dep atalatyn foto­kór­me usynyldy. Fotokórme «Isaakıev shirkeýi» memlekettik murajaı-eskertkishiniń bastaýshy jáne kásibı fotograftardyń Sankt-Peterbýrgti jáne onyń kórikti jerlerin kórsetetin jobasy. «Mádenıet arqyly únqatysý» halyqaralyq jobasyn iske asyrý Qazaqstan Respýblıkasynyń Tuń­ǵysh Prezıdenti – Elbasy Qory­nyń jáne Qazaqstan Respýblı­kasy Tuńǵysh Prezıdenti Murajaıy­nyń birlesken is-sharasy boldy. Sol kúni «Nazarbaev ortaly­ǵynda» Qazaqstan Respýblıkasy Tuńǵysh Prezıdenti – Elbasynyń Qory jáne «Isaakıev shirkeýi» murajaı-eskertkishi arasyndaǵy áriptestik jáne yntymaqtastyq týraly memorandýmǵa qol qoıyl­dy. Osylaısha, jańa aýqym­dy jobalardy iske asyrý úshin negiz qalandy. – Biz úshin Qordyń qyz­metiniń múmkindigin keńeıtý, mádenıet, tarıh jáne óner sa­lasyndaǵy álemdik sarapshylarmen yn­tymaqtasa jumys isteý, jas ǵa­lymdardyń naza­ryn aýdarý, óskeleń ur­paqqa bilim berý, sondaı-aq daryn­dy ǵylymı jáne shyǵar­ma­shyl jastardyń bir­lesken ǵy­­­lymı jáne ǵylymı-tá­ji­rıbelik kon­ferensııalarǵa, se­mı­nar­larǵa jáne sımpo­zıým­darǵa qa­tysýy ózekti máse­le­lerdiń biri bolyp tabylady, – dedi Qazaqstan Res­pýblıkasynyń Tuń­ǵysh Pre­­zıdenti – Elbasy Qorynyń at­qarýshy dırektory Saǵyndyq Nurahanov. «Egemen-aqparat»