ESKATO-nyń 72-shi sessııasy ótti

Bangkok qalasynda Qazaqstan Respýblıkasy Syrtqy ister mınıstriniń orynbasary Erjan Ashyqbaev bastaǵan qazaqstandyq delegasııa Azııa men Tynyq muhıty elderine arnalǵan Ekonomıkalyq jáne áleýmettik komıssııanyń 72-shi sessııasyna qatysty. О́ńirdiń 54 memleketiniń sessııaǵa qatysqan ókilderi 2015 jylǵy qyrkúıekte BUU mem­leket basshylary Nıý-Iork­te qabyldaǵan Ornyqty damý maq­sattaryn iske asyrý aıasyn­da óńirdegi ekonomıkalyq ynty­maq­tastyqty nyǵaıtý, ınnovasııalar jáne tehnologııalarmen almasý, klımattyń ózgerýi saldarymen kúres máselelerin qarastyrdy. Sessııanyń birinshi kúninde E.Ashyqbaev joǵary deńgeıdegi plenarlyq otyrysta sóz sóılep, delegasııalardy Qazaqstannyń BUU maqsattaryn júzege asyrý boıynsha atqaryp jatqan jumystarymen tanystyrdy. Ol «Qazaqstan-2050» Strategııasy jahandyq uıymnyń ındýstrııalandyrý, jańa tehnologııalardy tartý, jumys oryndaryn ashý men áleýmettik damý sııaqty basym­­dyq­tarǵa qol jetkizý bo­ıynsha táji­rıbelik elementterden tu­raty­nyn atap ótti. Qazaqstan kólik, ener­getıka, azyq-túlik jáne sý sala­laryndaǵy ynty­maq­tastyq­ty nyǵaıta otyryp, BUU maqsat­taryn óńirlik deńgeıde basshy­lyqqa alatyny, Kaspıı óńiri men Ońtústik Azııadaǵy kóp­jaqty ózara is-qımyldy damyta otyryp, Eýrazııadaǵy ınte­grasııalyq úderisterdi belsendi qoldaıtyny atap kórsetildi. Azııa men Tynyq muhıty el­deri úshin EKSPO-2017 taqy­rybynyń jeke mańyzy aıtyldy. Kórme aıasynda tehnologııalyq alshaqtyq pen klımattyń ózge­rýine jaýap qaıtarý boıynsha iri halyqaralyq is-sharalar, onyń ishinde Islam Yntymaqtastyǵy Uıymynyń ǵylym jáne tehno­logııalar sammıtin ótkizý jos­parlanǵanyna nazar aýdaryldy. E.Ashyqbaev 2015 jyldyń qyrkúıek aıynda BUU Bas Assambleıasynyń 70-shi sessııasy barysynda Prezıdent Nursultan Nazarbaev aıtqan 2045 jylǵa qaraı, ıaǵnı Uıym­nyń 100 jyldyq mereıtoıy­na ádiletti jáne qaýipsiz álem tártibine qol jetkizýge baǵyt­talǵan Qazaq­stannyń bastamalary turǵysynda qatysýshylardy «Álem. XXI ǵasyr» manıfesiniń mazmunymen tanystyryp, kó­terilgen máse­lelerdiń ózektiligi barlyq elderge qatysty ekenin erekshe atady. Qazaqstannyń BUU Qaýip­sizdik Keńesiniń turaqty emes músheligine kandıdatýrasyn ilge­ri­letý úderisi sheńberinde qa­zaq­standyq delegasııa Fılıppın, Ne­pal, Marshal araldary, Kırı­batı, Samoa jáne Solomon aral­dary ókilderimen kezdesýler ótkizdi.