Sankt-Peterbýrgten jetken sýretter

Jýyrda elordadaǵy Tuńǵysh Prezıdent mýzeıinde Sankt-Peterbýrg konserttik horynyń (Smolnyı soborynyń kameralyq hory) baǵdarlamasy aıasynda «Jańa kóz­qaras. New Vision» fotosýretter kórmesiniń ashylý rásimi ótti. Kórmeni Qazaqstan Respýblıkasy Tuńǵysh Prezı­denti mýzeıiniń dırektory Alma Saǵynǵalı ashyp berdi. Sodan soń Reseıdiń halyq ártisi, «Isaakıı sobory» memlekettik eskertkish-mýzeıiniń dırektory Nıkolaı Býrov sóz alyp, Qazaqstan men Reseı arasyndaǵy mádenı-gýmanıtarlyq yntymaqtastyqtyń nyǵaıa túsetinine senimi zor ekendigin, sondaı-aq qur qol kelmeı, Astana tur­ǵyndaryna kórme ala kelgenderin aıtyp, mýzeı qyz­metkerlerine rızashylyǵyn bildirdi. Jıynda ataqty hor ujymdarynyń biri – Sankt-Peterbýrg konserttik hory óner kórsetti. Hor 1991 jy­ly qurylǵan eken. Baıqaǵanymyzdaı, atalǵan hordyń vo­kaldyq oryndaý mánerinde eýropalyq jeńil daýys yrǵaǵy men naǵyz orys halqyna tán daýys tembri ádemi úılesim tapqan. Bul joly biz Sankt-Peterbýrgte bol­masaq ta, ózimizdi sol bir ǵajap qalanyń turǵynyndaı elestettik. О́ıtkeni, mýzeıge qoıylǵan «New Vision» fotosýretter kórmesi óte áserli jáne shynaıy shyqqan. Kópshilik nazaryna usynylǵan tamasha sýretter kelgen qonaqtardyń erekshe tańdanysyn týǵyzbaı qoımady. Osy joba barysynda qala turǵyndary men qonaqtary Sankt-Peterbýrgti ja­ńa qyrynan tanyp, qalanyń zamanaýı tynysyn jáne klas­­sıkalyq dástúrler kórkemdigine baı ómir yrǵaǵymen jaqynyraq tanysýyna múmkindik aldy. Mundaǵy túpki maqsat – Sankt-Peter­býrgke jáne qalanyń kórikti jerlerine, sondaı-aq, biregeı tarıhı-kórkemdik keshen – tórt sobor mýzeıi: Isaakıı sobory, Hrıstostyń qaıta arylý ǵıbadathanasy («Spas na krovı»), Smolnyı sobory, Sampsonıev soborlaryna degen jas fotosýretshilerdiń ózindik kózqarasyn kórsetý bolsa, sol maqsat oryndaldy dep bildik. Raýshan TÁÝIRHANQYZY, «Egemen Qazaqstan»