PAVLODAR. 23 mamyr. Pavlodardaǵy qalalyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń habarlaýynsha, bıyl ózendegi shybyn-shirkeıdi ýlaýǵa 30 tonna baktısıd jumsalmaq. Bul týraly egemen.kz tilshisi habarlaıdy.
Quramynda bıologııalyq bakterııalary bar dári-dármekter 2002 jyldan beri qoldanylyp keledi. Jyl saıyn zalalsyzdandyrý jumystary 17-20 mamyr aralyǵynda ótkiziledi. О́zenge quıylatyn 20 tonna baktısıd 100 kılometrge eseptelgen. Bıologtardyń aıtýynsha, ózende buryn shirkeıdiń alty túri boldy, al qazir tek qana úsheýi qalypty. Al dári-dármekterdiń adamdar úshin zııany joq.
Zalalsyzdandyrý jumystaryna oblys bıýdjetten 134 mıllıon teńge bólingen. «Nurbeles» seriktestigi men ákimdik 131 mıllıon teńgege kelisimshart jasasqan. Qalǵan 10 tonnasy da aldaǵy kúnderi quıylady. Mysaly, «Sanders» jaýapkershiligi shekteýli seriktestigi kúnine eki ret zertteýmen aınalysyp, shirkeıdiń kóp shoǵyrlanǵan jerlerin anyqtaıdy. Oblys ortalyǵyndaǵy saıabaqtarda da óńdeý júrgiziledi.
Farıda Byqaı.
Derek: egemen.kz.
Fotony: Valerıı Býgaev.
