ASTANA. 23 mamyr. Qazaqstan boksshylary Nazym Qyzaıbaı (48 kg) men Zarına Soloeva (64 kg) álem chempıonatynda shırek fınalǵa shyqty. Bul týraly egemen.kz tilshisi habarlady.
Eń jeńil salmaqtaǵy Nazym Qyzaıbaı chempıonattaǵy ekinshi kezdesýin ótkizip, shvesııalyq Lız Sandberdi aıqyn basymdyqpen utty. Esep – 3:0. Zarına Soloeva da sharshy alańda qarsylasynan aılasyn asyrdy. Ol ıtalııalyq Valentına Albertıdi jeńdi.
Álemdik dodada Dına Jolaman (54 kg), Aıjan Qojabekova (57 kg), Valentına Halzova (64 kg ) men Vıoletta Knıazeva (75 kg ) alǵashqy kezdesýlerin jaqsy ótkizdi. Dına germanııalyq Ornello Vagnerdi, Aıjan ýkraınalyq Marına Malovandy, Valentına ózbekstanlyq Shahnoza Nızamovany, Vıoletta argantınalyq Peresti utyp, kelesi aınalymǵa shyqty.
Búgin keshki sessııada 51 kıloǵa deıingi salmaqtaǵy Jaına Shekerbekova ekinshi jekpe-jegin ótkizedi.
Dastan Kenjalın.
Derek, foto: kfb.kz
