Aqparattar aǵyny

● Astanada ótken aýyl­sharýa­­shylyq jármeńkesinde 336 tonna ónim satyldy. Onda qala turǵyndaryna 500-den as­tam taýar túri usynylyp, et ónim­deri men jemis-jıdekter ba­zar baǵasynan 10-15 paıyzǵa tómen boldy. ● Semeıde «Údemeli ın­dýs­trııalyq-ınnova­sııa­­lyq damý» baǵdarlamasy sheń­­­­­berinde 4 iri joba iske qo­syl­maqshy. Qala ákim­digi baspasóz qyzmetiniń haba­r­laýynsha, óńirdegi óner­kásip­tik keshendi damytý pers­pek­­tı­valary «100 qadam» Ult Josparynda aıqyndalǵan. ● Soltústik Qazaqstan oblysynda jyl basynan beri 22,1 mlrd. teńge ınves­tısııa tartyldy. Al óńirdegi kásiporyndar 1 jyl ishinde 52,9 mlrd. teńgeniń ónimin óndirgen. Munyń 28,2 mlrd. teńgesi aýylsharýashylyq salasyna tıesili bolsa, 33,7 mlrd. teńge óńdeý ónerkásipteriniń úlesinde. ● Aqtóbe oblysynda aýyl jas­taryna 8,3 paıyzdyq ús­temeaqymen nesıe berilmek­shi. Osy rette «Damý» qory men oblys ákimdigi quny 900 mıllıon teńge bolatyn memorandýmǵa qol qoıdy. Bul óz kezeginde 18-29 jas aralyǵyndaǵy jastardyń kásip ashýyna mol múmkindik beredi. ● Shymkentte Eýropalyq qaıta qurý jáne damý bankiniń jańa keńsesi ashyldy. Aıta keteıik, atalǵan bank 2005 jyldan beri óńirdegi kásipkerlerge qoldaý kórsetip, jalpy quny 1 mln. eýrodan asatyn mańyzdy 180 jobany qarjylandyrǵan. ● Qyzylordada alǵash ret et baǵytyna arnalǵan qus fermasy ashyldy. «Jan Araı» sharýa qojalyǵynyń bul jobasy 60 mln. teńgeni quraı­dy. Qazirgi tańda fermada taýyq­tyń «Lında», «Agıdel» jáne «Pekın» degen túrleri ósiriledi. ● Atyraý munaı óńdeý zaýyty úshin salmaǵy 220 tonn­a bolatyn jańa qurylǵy jasal­dy. Bul biregeı qurylǵy Qazaq­standa jasalǵan. Ár kolon­nanyń uzyndyǵy – 27 metr, al dıametri 6 metrdi quraıdy. ● Osy jyldyń 3 maýsy­mynan bastap Aqtóbe – Aty­raý arasyna jańa poıyz qaty­­naıtyn boldy. Bul temir­jol kóligi aptasyna bir ret: Aty­raýǵa deıin 12 saǵat 13 mınýt, al Aqtóbege deıin 11 saǵat 38 mınýt aralyǵynda júrip ótedi. ● Bıyl Astanadaǵy oqý­shylardyń jazǵy demalysyn uıymdastyrýǵa qala bıýd­jetinen 163 mln. 502 myń teńge bólindi. Qalalyq bilim bóli­mi taratqan málimetke súıensek, «Batyr» lagerine – 365 bala, «Borovıchok» saýyq­tyrý ornyna 140 bala barady. Al lagerler jumysyna 106 mln. 638 myń teńge qarjy qaras­tyrylǵan. Habarlar Úkimet, oblystyq ákimdikter saıttary, «QazAqparat» agenttigi jáne «24kz» telearnasynyń derekteri boıynsha daıyndaldy