Sardar Sultan

Sultan Orazalınniń 75 jyldyq mereı­toıyna arnalyp L.N.Gýmılev atyndaǵy Eýrazııa ulttyq ýnı­ver­sıtetinde ótken saltanatty kesh «Qazaq rýhanııatynyń sardary» dep atalǵan eken. Akademık Serik Qırabaevtan bastap jıynǵa qatysqan zııaly qaýym ókilderiniń barshasy biraýyzdan: «Iá, sardar dese degendeı», degen pikirge toqtady. Shyn máninde de, «mem­leket jáne qoǵam qaıratkeri, jazýshy, teledramatýrg, Qa­zaq televızııasynyń negizin qa­laýshylardyń biri» dep shashbaýyn kóterip turǵan az ǵana anyqtaýyshtan aqjoltaı azamattyń eline sińirgen tolymdy eńbegi kórinis tap­qandaı. Mereıtoı ıesiniń atyna Memlekettik hatshy G.Ábdiqalyqovadan, «Nur Otan» partııasy Tóraǵasynyń birinshi orynbasary M.Qul-Muhammedten, Prezıdent Ákimshiligi Basshysynyń oryn­­­­basary B.Maılybaevtan, Qazaqstan Jazýshylar odaǵy basqarmasynyń tóraǵasy, senator N.Orazalınnen, Qa­zaq ulttyq óner ýnı­versıtetiniń rektory A.Musa­qo­jaevadan, týǵan aýyly – Abaı aýdanynyń ákimi T.Músápirbekovten jáne bas­qalardan kelip túsken qut­tyqtaýlar, kórsetilgen qur­­met pen júrekjardy lebiz­der tulǵa tuǵyryn bıiktete túsip, mereıin asyrdy. Ásirese, keńestik kezeńde jurtqa keńinen áıgilen­gen tele­dıdar suhbattary, «Qy­­­myzhana», «Kezdesý», «Aıtys», «Halyq qazynasy» syndy telehabarlary táýelsiz elimizde Til komıtetiniń tuń­ǵysh tór­aǵasy bolyp, biregeı mem­lekettik til saıasatyn qalyp­tastyrýǵa, qazaq tiliniń mártebesin kóterýge, «Til týraly» jańa Zańnyń ázirlenip qabyldanýyna basy-qasynda júrip basshylyq jasaýy qaıratkerlik qarym-qa­biletin tanytty. Májilis depýtattary Q.Sultanov, A.Tasbolatov, «Qazaqstan» TRK» AQ basqarma tóraıymy N.Muhamedjanova, «Habar» telearnasynyń prodıýseri R.Kertaev, belgili jazýshy Á.Saraı jáne basqalar Sul­tekeńniń naq osyndaı shy­ǵarmashylyq-azamattyq kel­­betin tarqatyńqyrap aıtty. L.N.Gýmılev atyndaǵy Eýr­azııa ulttyq ýnıver­sı­tetiniń rektory E.Sydyqov mereıtoı ıesin «Kúltegin» medalimen marapattasa, Al­matydan arnaıy jetken ál-Farabı atyndaǵy QazUÝ ókili, aqyn, ǵalym B.Jaqyp oqý orda­synyń altyn medalin tabystady. Sondaı-aq, ýnıversıtet baspasynan «О́negeli ómir» serııasymen jaryq kórgen «Sultan Orazaly» atty kitaptyń súıinshi danalaryn syıǵa tartty. Jańa kitaptyń tusaýyn akademıkter S.Qırabaev pen S.Qasqabasov kesti. Sardar Sultekeń de ulym dep emi­rengen eline alǵysty sózin arnady. Nazar QASYM