Apple jańa iPhone smartfonynyń baǵasyn arzandatpaqshy

ASTANA. 24 mamyr. Áıgili Apple kompanııasynyń basshysy Tım Kýk jańa iPhone baǵasynyń arzan bolatynyn aıtty. Bul týraly cnews.ru saıtyna silteme jasaǵan egemen.kz tilshisi habarlady. Úndistannyń NDTV telearnasyna bergen suhbatynda ol atalǵan telefonnyń AQSh-tan basqa elderde qymbat ekenin moıyndady. Salyq pen tólemderdiń kóptiginen osyndaı qadamǵa barýǵa májbúr bolǵandaryn, al aldaǵy ýaqytta osy olqylyqtyń ornyn toltyrý úshin qoldan kelgenniń bárin jasaıtynyn málimdedi. Málimetter boıynsha, AQSh-ta Iphone 6S baǵasy 600 dollar kóleminde. Al Qazaqstanda teńgege shaqqanda 300 myń teńgege jýyq. Kompanııa 2015-2016 qarjy jylynyń I toqsanynda rekordty deńgeıde 18,4 mıllıard dollar paıda tapty. Aıta keteıik, osy jyldyń naýryz aıynda Apple 4 dıýımdi jańa iPhone SE smartfonyn tanystyrǵan. Syrtqy kelbeti 5S formasyna uqsaǵanymen, fýnksııalyq jaǵynan 6S úlgisimen birdeı qyzmet atqarady. Al jańa gadjet boljam boıynsha qyrkúıek aıynda tanystyrylady. Aıan Ábdýálı. Derek, foto: cnews.ru.