«AvtoVAZ» jetekshisi О́skemendegi avtozaýytqa qoldaý kórsetpek

О́SKEMEN. 24 mamyr. Oblys ákimi Danıal Ahmetov «AvtoVAZ» ashyq aksıonerlik qoǵamy prezıdenti Nıkolıa Mormen kezdesti. Bul týraly yk-news.kz-ke silteme jasaǵan egemen.kz tilshisi habarlady. Kásiporyn basshysy О́skemende salynyp jatqan tolyq sıkldi jańa avtokólik zaýytymen tanysýǵa kelgen bolatyn. О́ńir basshysy men avtokólik konserniniń jetekshisi О́skemendegi «Azııa Avto Qazaqstan» tolyq sıkldi avtokólik zaýytynyń qurylysy boıynsha reseılik-qazaqstandyq birikken jobany júzege asyrý jóninde pikir almasty jáne atalǵan jobanyń sátimen iske asýyna múddeli ekendikterin bildirdi. Úkimette de taraptar avtokólik jobasyn júzege asyrýdy jan-jaqty talqylaǵan bolatyn. «Bul meniń Qazaqstanǵa alǵashqy saparym. Osy saparda О́skemendegi jumys istep turǵan jáne jańadan salynyp jatqan zaýyttarda boldym. Qoldanystaǵy zaýyttyń tazalyǵy, jaqsy sapadaǵy ónimder shyǵarylatyny baıqaldy. Jańa zaýyt – aýqymdy joba. Onyń qurylysyna úlken memlekettik qoldaý kórsetilip otyr. Men bul jobanyń óńir úshin tıimdi bolatynyna senimdimin, – dedi «AvtoVAZ» prezıdenti Nıkolıa Mor. Reseılik konsern basshysy qazaqstandyq zaýytqa jıi kelip turatynyn jáne qajetti qoldaý kórsetetinin jetkizdi. Aıta keteıik, Nıkolıa Mor bıyl 15 naýryzda «AvtoVAZ» prezıdenti bolyp taǵaıyndalǵan. Al 4 sáýirde aksıonerlerdiń sheshimi kúshine endi. Dýman Anash. Derek, foto: yk-news.kz.