Yntymaqtastyq jalǵasady

Memleket basshysy Nursultan Nazarbaev Halyqaralyq valıýta qorynyń basqarýshy dırektory Krıstın Lagardpen kezdesti, dep habarlady Prezıdenttiń baspasóz qyzmeti. Kezdesý barysynda Qazaqstan men qor yntymaqtastyǵynyń negizgi baǵyttary, sondaı-aq, álem­dik qarjy-ekonomıka júıe­si­niń damýyndaǵy mańyzdy trendter talqylandy. Nursultan Nazarbaev HVQ-nyń О́ńirlik konfere­n­sııa­­syn Astana eko­nomıkalyq forý­my qar­sa­ńynda Qazaqstanda ót­kizý týraly sheshimniń biz úshin mańyz­dy qoldaý bolǵanyn atap ótti. Memleket basshysy Qazaqstan óz táýelsizdiginiń alǵashqy kúni­nen bastap Halyqaralyq valıýta qorymen yntymaqtasyp kele jatqanyn aıtty. – Qor qyzmetkerleri alǵashqy jyldary tehnıkalyq jáne qar­jy­lyq turǵydan zor kómek kór­setti. Burynǵy keńestik ózge memlekettermen salystyrǵanda bizdiń el Táýelsizdiginiń 25 jyldyǵyna deıin kóp nárseni júzege asyra aldy. Qazirgi kezde Qazaqstan ekonomıkasy da álemdik ekonomıka sııaqty kúrdeli kezeńdi bastan ótkerýde. Buǵan birqatar fak­torlar, sonyń ishinde shıki­zat resýrstary baǵasynyń tómen­deýi, qazir biz júzege asy­ryp jatqan qurylymdyq refor­malar­dyń keshiktirilýi, sondaı-aq, Reseıge qatysty ahýal men Qytaıdaǵy ekonomıkalyq jaǵdaı yqpal etip otyr. Soǵan qara­mas­tan, biz IJО́ tómendeýine jol bermeı, oń dınamıkany qam­ta­masyz ettik jáne ony bıyl da saqtaımyz degen úmittemin. Bizdiń respýblıka alty jyldan beri ekonomıkanyń shıkizat resýrstaryna táýeldiligin azaıtý sharalaryn júzege asyryp jatyr, – dedi Qazaqstan Prezıdenti. K.Lagard birqatar memleket­t­er úkimetteriniń ekonomıkalyq blogy­nyń basshylary birinshi ret qatysqaly otyrǵan О́ńirlik kon­ferensııanyń tabysty óteti­nine senim bildirdi. HVQ basqarýshy dırektory sondaı-aq, Nursultan Nazarbaevqa qormen aradaǵy seriktes­tiktiń jolǵa qoıylǵany úshin alǵys aıtty. Osy seriktestik aıasynda Qazaq­stanǵa qajetti qoldaý, sonyń ishinde tehnıkalyq sıpattaǵy qoldaý kórsetý jalǵasyp keledi. Sonymen qatar, K.Lagard eldi ekonomıkalyq, ındýstrııalyq jáne ınfraqurylymdyq damytý jó­nindegi Qazaqstan júzege asy­ryp jatqan reformalardy HVQ qoldaıtynyna nazar aýdardy.