DEMOKRATIIаLYQ KÚShTERDIŃ «QAZAQSTAN-2050» JALPYULTTYQ KOALISIIаSYNYŃ ÚNDEÝI

Qurmetti otandastar! Jetekshi saıası partııalardyń, Qazaq­stan halqy Assambleıasynyń, qoǵam­dyq birlestikterdiń, úkimettik emes uıym­dardyń, ǵylymı jáne shyǵarmashylyq ıntellıgensııanyń, ardagerler men agrar­­lyq sala mamandarynyń, iri kásip­oryn­dardyń, kásipodaqtardyń, eńbek ujym­dary men jastar qozǵalys­tarynyń ba­syn qosqan, barlyq áleýmettik top­tardyń, barlyq óńirdiń múddesin kóz­­de­gen Demokratııalyq kúshterdiń «Qazaq­stan-2050» jalpyulttyq koalısııasy eli­mizdiń azamattaryna úndeý joldaıdy. - «Qazaqstan-2050» Damý Strategııa­synda Memleket basshysy belgilegen res­pýblıkany qoǵamdyq-saıası jáne áleý­mettik-ekonomıkalyq jańǵyrtý baǵdaryn, sondaı-aq, Bes ınstıtýttyq reformany júzege asyrý jónindegi «100 naqty qadam» Ult Josparyn jáne asa aýqymdy «Nurly Jol» baǵdarlamasyn tolyǵymen qoldaı otyryp; - Memleket basshysynyń Jer ko­deksiniń jekelegen normalaryna moratorıı engizý týraly sheshimin qoldaı otyryp; - álemdik qoǵamdastyqtyń bedeldi ári jaýapty ókili retinde Qazaqstan betpe-bet kelip otyrǵan jańa jahandyq saıası-ekonomıkalyq ahýal men ýaqyttyń synaqtaryn eskere otyryp; - Qazaqstannyń astanasynda ótetin Eýrazııalyq ekonomıkalyq odaqqa múshe memleketter basshylarynyń sammıti men Astana ekonomıkalyq forýmynyń kún tártibindegi basym­dyqtardy qýattaı kele; - Memleket basshysynyń ıadrolyq qarýsyz bolashaq qurý, jahandyq, onyń ishinde EAEO sheńberindegi qaýipsizdik, halyqaralyq yntymaqtastyq jáne ekonomıkalyq ıntegrasııa júıesin kúsheıtýge baǵyttalǵan syrtqy saıasaty­nyń basty baǵyttarynyń aıryqsha mańyzdylyǵyn sezinip; - táýelsizdiktiń barlyq jetistikteriniń irgetasy sanalatyn áleýmettik-ekono­mıkalyq turaqtylyqty, Qazaqstannyń kópultty halqynyń qoǵamdyq kelisimi men birligin qamtamasyz etýdi asa mańyzdy qajettilik retinde qabyldap; - Prezıdenttiń tapsyrmasymen qu­­ryl­ǵan Jer reformasy boıyn­sha komıs­sııa jumysynyń alǵashqy nátıjelerin joǵa­ry baǵalaı kele; Biz – respýblıkadaǵy azamattyq qoǵam ókilderi qazaqstandyqtardy Jer reformasy boıynsha komıssııanyń jáne Aımaqtyq qoǵamdyq keńester­diń jumysyna belsene atsalysýǵa shaqyramyz. Biz úshin jáne barsha azamattar úshin jer tek materıaldyq ıgilik qana emes, Qazaqstan halqynyń birligin bekemdep, judyryqtaı jumyldyrǵan Táýelsizdik uǵymymen birdeı asa qasterli qundylyq. Demokratııalyq kúshterdiń «Qazaq­stan-2050» jalpyulttyq koalısııasy agroónerkásiptik sektordy qarqyndy damytýdyń mańyzdy tetigi retinde Jer reformasy qajet dep sanaıdy. Memleket basshysynyń Jer máse­lesine qatysty qorytyndy sheshimdi qabyldaýdaǵy salmaqty ustanymyn esepke ala otyryp, týǵan jeriniń bolashaǵy úshin alańdaıtyn qazaqstandyqtar osy másele jónindegi ashyq ári syndarly suhbatqa ún qosýy qajet dep sanaımyz. Qýatty, birtutas, gúldengen ári táýel­siz Qazaqstanda ómir súrgimiz kelse, bizdiń basty mindetimiz – eldegi beıbitshilik pen kelisimdi saqtaý bolýǵa tıis. Elbasy úndeýin qoldaı otyryp, Demokratııalyq kúshterdiń «Qazaq­stan-2050» jalpyulttyq koalısııasy Jer reformasyn jetildirýge bar kúshin salady. Biz árbir azamattyń osy máselege qatysty pikiri eskerilip, jan-jaqty qaralatynyna kepildik beremiz. Qazaqstandyqtardyń atalǵan máselege qatysty Demokratııalyq kúshterdiń «Qa­zaqstan-2050» jalpyulttyq koalısııa­syna joldaǵan barlyq usynystary men tilekteri jan-jaqty zerdelenip, Jer reformasy jónindegi komıssııanyń qaraýyna usynylady.  «Nur Otan» partııasy, Qazaqstan­nyń «Aq jol» demokratııalyq par­tııasy, Qazaqstannyń Kommýnıstik ha­lyq partııasy, Qazaqstannyń «Aýyl» halyqtyq-demokratııalyq patrıot­tyq partııasy, «Birlik» partııasy, Qa­zaqstan halqy Assambleıasy, «Ata­meken» Ulttyq kásipkerler palatasy, «Qazaqstannyń azamattyq alıan­sy» zańdy tulǵalar birlestigi, Qazaq­stannyń Kásipodaqtar federasııasy, Qazaq­stan Respýblıkasy Ardagerler uıymy, «Bolashaq» qaýymdastyǵy, Qazaq­stannyń kásipkerler forýmy, Múge­dekterdiń «DOS» táýelsiz ómir orta­lyǵy» qoǵamdyq birlestigi, «QR Qarýly Kúshter ardagerleri» qoǵam­dyq birlestigi, Aýǵanstan soǵysy ardager­leri uıymdarynyń qaýymdastyǵy, Kásipker áıelder odaǵy, «Jasyl» ekonomıka men G-GLOBAL-dy damytý úshin koalısııa­sy» zańdy tulǵalar birlestigi, «Jas Otan» Jastar qanaty, Qazaqstan Respýblıkasy Ulttyq ınjenerlik akademııasy, Qazaqstannyń Eńbek Eri, «Agrofırma Rodına» JShS bas dırektory I.A. Saýer, Qazaqstannyń Eńbek Eri, «Altynsarıno» JShS dırektory B.P.Knıazev, «QazAgroInnovasııa» AQ Maqta sharýashylyǵy «QazǴZI» JShS bas dırektory I.I.Úmbetaev, «Seri-Erkin» JShS bas dırektory S.Turǵanbaev, «Tııanaq – Treıd» JShS jetek­shisi A.O. Aıtbaev, «Tobyq­ty ı K» JShS dırektory  G.A. Rosel­baı, «Ásem Alma» sharýa qoja­lyǵynyń basshysy M.A.Áýbá­kirov, «Kaspıı Balyq» О́K atqa­rýshy dırektory J.Ý.Shaqy­pov, «Opytnoe hozıaıstvo maslıch­nyh kýltýr» JShS dırektory R.K.Ahmadıev, «Nurdáýlet» sharýa qojalyǵynyń basqarýshy dırektory B.B.Nuǵmanov, «Raısovskoe» JShS dırektory V.M.Ko­valenko, «Úrker» sharýa qoja­ly­ǵy­nyń basshysy B.Á. Isabekov, «Aıhan» sharýa qojalyǵynyń basshysy A.Q.Qudabaev, «Kýgabaev» sharýa qo­ja­lyǵynyń basshysy T.S.Shaı­hın, «Galıskoe» JShS dırektory A.A.Kası­sın, «Opytnoe hozıaıs­tvo «Irtyshskoe» JShS dırektory I.K.Nurselınov, «Taýshyq aýyl sharýashylyǵy» JShS dırektory A.Q.Qosýaqov, «Beles» kompanııalar tobynyń bas dırektory M.O. Jáki­baev, «Alabota» JShS dırektory­nyń orynbasary M.S.Jutaev, «Aqjaılaý» sharýa qojalyǵynyń basshysy A.A.Sadyqov. 2016 jylǵy 24 mamyr, Astana qalasy