Demokratııalyq kúshterdiń «Qazaqstan-2050» jalpyulttyq koalısııasy bizdiń qoǵamymyzdy toptastyratyn alańqaıǵa aınaldy
N.Á.NAZARBAEV
*Lebizder legi Ábilǵazy QUSAIYNOV, Kásipodaqtar federasııasynyń tóraǵasy: – Barlyǵymyzǵa elimizdiń birligi, tatýlyǵy qajet. Kez kelgen máseleni sheshý kezinde asyǵystyq jasap nemese qyzbalyqqa salynyp qajeti joq. Bul eshkimge abyroı bermeıdi. Qazirgi tańda elimizde Jer kodeksine qatysty qyzý talqylaý júrip jatyr. Osy oraıda Elbasy tapsyrmasymen Jer reformasy boıynsha komıssııa quryldy. Oblystarda qoǵamdyq keńester jumys isteýde. Jerge qatysty halyqtyń pikiri barynsha eskerilýde. Jalpy, jerimizdi uqypty paıdalanyp, ony halqymyzdyń ıgiligine asyrý qajet. Muny barsha qazaqstandyqtar túsinedi dep oılaımyn. Serikbaı TURǴANBAEV, «Seri - Erkin» JShS bas dırektory: – Shyndyǵynda, jer – qazaq halqy úshin ata-babadan mura bop qalǵan eń asyl qazyna. Jerdiń ıesi bolmaıynsha aýyl sharýashylyǵy maqsatyndaǵy jerdiń tıimdilik bermeıtini ras. Jalǵa berý máselesine keńinen toqtalatyn bolsaq, jerimiz úlken. Sondyqtan, osynshama ulan-ǵaıyr jerdi ıgerýge múmkindigimiz shamaly. Sol sebepti, jerdi sheteldikterge jalǵa berýge bolady. Olar ınvestısııa tartyp, jańa tehnologııa ákeledi. Osyny oılaýymyz kerek. Murat ÁÝBÁKIROV, «Aman-kel» agrarlyq ónerkásiptik kompanııasynyń bas dırektory: – Men agrarlyq salada 2003 jyldan bastap eńbek etip kelemin. Almaty oblysynda elıtaly júgeri tuqymyn egýmen, asyl tuqymdy mal sharýashylyǵymen, aport almasyn jáne ıntensıvti tehnologııa boıynsha jemis-jıdek ósirýmen shuǵyldanamyz. Búgingi kúni biz 10 myń gektar jerdi jalǵa alyp otyrmyz. Osy salada kóptegen jyldan beri eńbek etip júrgennen keıin, jerdi Qazaqstan azamattaryna satý máselesin óz basym quptaımyn. Jer urpaqtyń ıgiligine aınalýy úshin onyń qadirin biletin, ıgere alatyn qojaıyny bolýy kerek. Jer otandyq sharýalardyń menshigine ótpeıinshe, bul salada eshqashan damý bolmaıdy. О́ıtkeni, elimizdiń qarjy nıstıtýttary bolsyn, sheteldik ınvestorlar bolsyn qarjy berý úshin eń aldymen, jerdiń jekemenshikte bolýyn talap etedi. О́ıtpegen jaǵdaıda qarjy salýǵa kelispeıdi. Sonymen birge, meniń oıymsha, jer qazaqstandyqtarǵa satylyp qana qoımaı, 49 jylǵa jalǵa berilýi kerek dep sanaımyn. Ibadýlla ÚMBETAEV, Qazaq maqta sharýashylyǵy ǵylymı-zertteý ınstıtýtynyń bas dırektory, QR UǴA korrespondent-múshesi: – Elbasymyz moratorıı jarııalap, jer máselesi jónindegi halyqtyń tilegi men usynystaryna aıryqsha kóńil qoıyp otyr. Osy sátte, el men Elbasy arasyndaǵy altyn arqaýdy bekemdeı túsip, jer taǵdyrynyń ult ıgiligine sheshilýin qamtamasyz etýimiz qajet. Jer máselesinde asyǵys sheshim qabyldaýǵa bolmaıdy. Jer kodeksine engizilgen ózgeristerdiń negizgi maqsaty – jerge menshik ıesin tabý, tıimdi paıdalaný, onyń qunarlylyǵyn arttyrý. Menshik ıesin tabýdyń joly menińshe, ony jalǵa alyp otyrǵan sharýalarǵa jáne el azamattaryna satý degen sóz. Jekemenshik – naryqtyq ekonomıkanyń negizi. Jerdi menshikke alý quqyǵy bolashaqqa senimmen qaraýǵa múmkindik beretin óte mańyzdy kepildik. Ońtústik Qazaqstan oblysyndaǵy sýarmaly eginshilikpen aınalysatyn sharýa qojalyqtary muny jaqsy túsinedi. Murat JÁKIBAEV, «Beles» kompanııalar tobynyń bas dırektory: – Aýylsharýashylyq jerlerin tıimdi paıdalaný úshin onyń ıesi bolýy qajet. Onsyz is ónbeıdi. Halyq muny túsinedi dep esepteımin. Sondyqtan, eldiń múddesin birinshi kezekke qoıa otyryp, máseleniń ońtaıly sheshilgeni abzal. Meniń oıymsha, jer reformasyna qatysty máselelerdi muqııat zerdelep, zerttep baryp sheshim qabyldaǵan durys. Búgingi basqosýda kóptegen jaqsy usynystar aıtyldy. Munyń barlyǵy aldaǵy ýaqytta eskeriledi dep esepteımin. Jumajan ShAQYPOV, «Kaspıı-Balyq» О́K atqarýshy dırektory: – Memleket basshysynyń moratorıı jarııalap, sonyń nátıjesinde jer reformasyna qatysty ózekti máselelerdiń qaıta qaralýy óte quptarlyq is boldy. Qalaı degende de, ýaqyt talabyna saı jerdiń ıgiligin halyq kórýi kerek. Biz aldaǵy ýaqytta aýyl sharýashylyǵyn damytamyz desek, birinshiden, tıimdi zań qabyldanǵany durys. Bul baǵytta naqty sharalar atqarylyp jatqanyn bilip otyrmyz. Onyń óz jemisin beretinine senimimiz mol.
