520 túlek

Oblystyq bilim berý basqarmasy óńirdegi memlekettik pedagogıkalyq ınstıtýt, S.Toraıǵyrov atyndaǵy mem­lekettik ýnıversıtet, In­no­vasııa­lyq Eýrazııa ýnıver­sıteti, B.Ahmetov atyndaǵy pedago­gı­kalyq, mýzykalyq kolledj bitirýshilerin aýdandyq ákimdiktermen birlese otyryp keńes ótkizdi.  Keńeste joǵary oqý oryndaryn bitiretin túlekterdiń «Dıplommen – aýylǵa!» barý máselesi qarastyryldy. Bilim basqarmasynyń habarynsha, bıyl pedagogıkalyq mamandyqtar boıynsha jergilikti joǵary oqý oryndarynan 805 túlek, kolledjderden 334 túlek bitiredi. Aýyldyq kvota granttary – 87, aýdan jáne qala ákimderiniń granty boıynsha – 77, elimizdiń bilim berý granttary boıynsha  413 bitirýshi bilim alǵan. Kóptilde oqytý baǵdarlamasy boıynsha 87 túlek ártúrli pán mamandyqtary boıynsha bilim aldy. Túlekterdi aýyldarda jumys oryndaryna bólý kezinde bitirýshi dıplomynyń ortasha baly eskeriledi. Bitirýshilerdi jumys oryndaryna bólý qorytyndysy boıynsha 520 túlek aýyldarǵa attanady. Onyń ishinde 351-i joǵary oqý oryndaryn, al 169-y kolledj bitiredi. О́ńirdegi jas mamandarǵa qajettilikti qamtamasyz etý úshin bilim basqarmasy, aýdandyq jáne qalalyq bilim berý bólimderiniń ókilderi Semeı, Qaraǵandy, Astana, Almaty qalalarynyń joǵary oqý oryndarynyń bos oryndar jármeńkesine qatysady. Nátıjesinde aldaǵy oqý jylynda Semeıdiń Shákárim atyndaǵy memlekettik ýnıversıtetiniń 19 túlegi bizdiń oblysymyzǵa keledi dep josparlanýda. Sońǵy úsh jyl ishinde oblys mektepterine bir jarym myńnan asa jas maman qyzmet etýde. Aýyldyq jerge jumys jasaýǵa kelgen mamandarǵa memleket kepildendirilgen áleýmettik toptama usynady – turǵyn úımen qamtamasyz etý (jalǵa berý, qyzmettik, t.b.), baspana satyp alýǵa bıýdjettik nesıe 1500 AEK (3181,5 myń teńgege deıin), 70 AEK kóleminde kósheraqy (148470 teńge). Bul sharalar, ásirese, jas mamandar – otbasylar úshin mańyzdy. Úlgi eterlik jastar da az emes, mysaly, Rústem Súleımenov pen Nazerke Omarova ekeýi de pedagogıkalyq ınstıtýt bitirgen soń aýylǵa kelip eńbek etýde. Kýrchatov qalasynyń dál janynda ornalasqan alystaǵy Aqjar aýylyndaǵy qazaq orta mektebinde jas muǵalimder Naıma Dýman, Armangúl Mutan, Bulbul Aıýpova, Gaýhar Syzdyqova – Shákárim atyndaǵy ýnıversıtetti bitiripti. Aına Myńjarasova Taldyqorǵannan oqý bitirip «Dıplom­men – aýylǵa!» baǵdarlamasy aıasynda kelipti. Iаǵnı, «Dıplommen – aýylǵa!» degen baǵdarlamasyna ún qosqan patrıot jastardyń bar ekeni. Aqshıman aýylynda jas muǵalimder Gúldana Amangeldi, Ardana Qaımoldına, Yrysbek Ahmetov te Aqjar aýylynda ustazdyq etýde. Mektep dırektory Mádına Qabdyrásilova osydan tórt jyl buryn oblys ortalyǵyndaǵy pedagogıkalyq oqý ornyn bitiripti. Kóńil qýantady. Negizinen, joǵary oqý oryndaryn bitirgen soń týǵan aýyldaryna qaıta oralyp, eńbek jolyn bastaıtyn jastardyń qataryn kóbeıtý jobasy qolǵa alynsa, bul bastama jolyn tabar edi. Biraq, «Dıplommen – aýylǵa!» memlekettik baǵdarlamasy barysyna bólingen qarjynyń ornymen jumsalý-jumsalmaý máselesi de alańdatady. Aýylda páter satyp alý, tabý ońaı emes. Ákimder jas mamandarǵa úı salyp jatqan joq. Sońǵy jyldary ókinishke qaraı, óńirdegi Maı aýdanynda – 47, Aqtoǵaıda – 58, Qashyr aýdanynan 25 jas maman keri qaıtqan kórin­edi. Baǵdarlama boıynsha 2009-2015 jyl­dary oblys mektep­teri­ne barlyǵy 2 770 jas maman aýylǵa barǵanyn aıtady oblystyq bilim basqarmasynyń ókilderi. Olaı bolsa, jas mamandardyń dıplomdaryn qushaqtap, qaıtyp ketpeýlerine, aýylda turaqtap qalýlaryna – jergilikti ákimdikter qaladaǵydaı laıyqty jaǵdaı jasaýlary qajet. Farıda BYQAI, «Egemen Qazaqstan» Pavlodar oblysy