Damý bolashaǵy sóz boldy

Keshe Úkimet úıinde Premer-Mınıstr Kárim Másimov Halyqaralyq valıýta qorynyń basqarýshy dırektory Krıstın Lagardpen kezdesý ótkizdi. Taraptar aqsha-nesıe saıasatyn, qurylymdyq refor­malar ótkizýdi jetildirý salasyndaǵy, son­daı-aq, Qazaqstannyń ekonomıkalyq damýy­nyń orta merzimdi perspek­tı­­va­lary másele­leri­niń keń aýqy­myn talqylady. «Sizge jáne siz­­diń maman­daryńyzdan quralǵan ko­man­daǵa ynty­maqtas­tyq, teh­­­nı­­ka­­­lyq qoldaý jáne usynys­tar úshin al­ǵys aıtamyn», dedi K.Másimov. Premer-Mınıstr Qazaqstan Úkimeti syrtqy ja­ǵym­syz faktor­lardy jumsartýǵa bar kúsh-jigerin sa­lyp jatqanyn basa aıtyp, eldiń turaqty damýyna ba­ǵy­t­­­t­al­ǵan ınstıtýttyq reformalar aıasyn­daǵy Úki­met júzege asyryp jatqan shara­lar jaıly málimdedi. Sondaı-aq, ol HVQ múshe­lerine Memleket basshysy N.Nazarbaevtyń «Astana» halyq­ara­lyq qarjy ortalyǵyn qurý týraly ıdeıasyn tanystyrdy. О́z kezeginde K.Lagard «Qazaqstan Ult­tyq qor quryp, durys jasa­dy. Bul aýyrtpalyqtardyń bir bóligin jeńildetý úshin aqsha-nesıe saıasatynda ońtaıly tásilge múmkindik beredi», – dedi. Jáne de HVQ óńirlik konferensııasyna qatysýǵa shaqyrǵany úshin alǵy­syn aıtty. «Bul keremet bastama dep esepteımin. Meniń­she, ony paıdaly forýmǵa aınal­dyrýǵa bolady, ol jerde qarjy mınıstr­leri aımaqtyq deńgeıde bir-birimen suhbattasa alar edi», dep atap ótti HVQ basshysy. Sonymen qatar, osy kúni Qazaqstan Úkimetiniń basshysy men HVQ-nyń basqarýshy dırek­tory «Rıksos» qonaq úıinde shetel­dik jáne qazaqstandyq BAQ ókilderi úshin baspasóz más­lı­hatyn ótkizdi. Kezdesý bary­synda Premer-Mınıstr osydan birshama ýaqyt buryn Halyqaralyq valıýta qorynyń óńirlik konferensııasy óz ju­mysyn aıaqtaǵanyn habarlaı kele, onda qysqa jáne orta mer­zimdi perspektıvaǵa arnal­ǵan únqatysý sharalary talqy­lan­ǵanyn atap ótti. Jáne de atalǵan konferensııaǵa HVQ basqarýshy dırektory Krıstın Lagardtyń qatysqandyǵy úshin rızashylyq bildirdi. О́ńirdegi ahýalǵa qatys­ty syndarly suhbattastyq pen pikir almasý barysynda biz orta merzimdi keleshekte qysqa mer­zimdi silkinisterge qarsy turý sharalaryn talqyladyq, deı kele K.Másimov konferensııa bary­synda makroekonomıkalyq saıa­sat negizderi, monıtorıng júıe­si ınstıtýttaryn nyǵaıtý qajet­tiligi, óńirlik ıntegrasııa, qury­lymdyq reformalardy júzege asyrý máseleleri jan-jaqty tal­qyǵa túskenin tilge tıek etti. Kelesi kezekte sóz alǵan Krıstın Lagard eń áýeli Elbasy Nursultan Nazarbaevqa, Úki­met basshysy men Ulttyq bank basshylyǵyna rızashylyq bildire otyryp, óziniń kelýinen bastaý alǵan kezdesýlerdiń makroekonomıkalyq saıasatty jan-jaqty talqylaýǵa múmkindik týǵyzǵanyn atap aıtty. Sonymen qatar, Nazarbaev Ýnıversıtette jahan­dyq jáne óńirlik ahýal, sondaı-aq, Qazaqstan, Kavkaz jáne Orta­lyq Azııa úshin syn-qater­ler men múm­kindikter taqy­ry­bynda dáris oqyp, stýdent­ter­men kezdeskenin kóldeneń tartty. Astana – halyqtyń turaq­tylyǵyn aıǵaqtaıtyn qala, men bul qalaǵa qýana-qýana taǵy kelemin. Bıyl táýelsizdigine 25 jyl tolǵaly otyrǵan Qazaq­stan memleketiniń tabıǵı resýrs­tary men baılyǵyn halyq ıgili­gine jumsaıtyny erekshe áser qaldyrdy. Qazirgi­deı qıyn kezeń­derde tyǵyryqtan jol tapqan memleket retin­de Qazaq­stannyń aqsha-nesıe saıasatyn jalǵastyrý baǵytyn­daǵy resmı organdary paıdalanǵan is-qımyldardy qoldaımyz, dedi. Elmıra MÁTIBAEVA, «Egemen Qazaqstan»