Sahara sulýy – saha sańlaǵy

Ataǵy Saha eline keńinen tanylǵan qazaq qyzy Iаna Baıǵojaevany ekiniń biri bile bermes. Ol – Iаkýtııanyń kıno álemine ózindik qoltańbasyn qaldyrǵan tanymal prodıýser, aqyn, jýrnalıst jáne qoǵam qaıratkeri. Iаna Almaty oblysy, Qap­shaǵaı qalasynda 1977 jyly týǵan eken. Onyń balalyq shaǵy Saha Respýblıkasynyń Beıdınge aýy­lynda ótken. Jastaıynan qara sózdiń qadirin uǵyp, aıtar sózin jyrmen jetkize bilgen aqynnyń 1995 jyly alǵashqy jyr jınaǵy, al 2003 jyly «Meniń ótkenimniń uzaq jańǵyryǵy» degen ataýmen taǵy bir kitaby basylyp shyqqan. Búgingi tańda qandasymyz saha jáne orys tilderinde erkin jazatyn aqyn. Ol – Reseıdiń jazýshylar jáne jýrnalıster odaqtarynyń múshesi, túrli jas ja­zýshylar baıqaýynyń jeńim­pazy. Taıaýda Iаna Erbolatqyzynyń «Mýmmýttar» («Adasqandar») atty kórkem fılminiń preme­rasy Qazaqstandaǵy barlyq kınoteatrlarda bolyp ótti. Onyń prodıýserligimen túsirilgen kınotýyndy ómirden alynǵan oqıǵa jelisinen órbigen. Eki jigittiń taıga ormanynda adasyp, tiri qalý jolyndaǵy tirshiligi sýrettelgen. Shynaıylyǵy basym. It tumsyǵy batpaıtyn ormannyń ıreleń jolynan ózderi adasqan iz kesýshiler jigitterdi aqyrynda «óldige» sanaıdy. Alaıda, araǵa aı salyp baryp ekeýi elge jetedi... Mine, osyndaı shym-shyty­ryqqa toly fılm áp-sátte Iаna­nyń ataǵyn alty qyrdan asyryp, tanymal etti. Bul týyndy halyqaralyq kıno baıqaýynda qazylardyń kóńilinen shyǵyp, júldeger atandy. Búginde Saha eliniń sańlaǵy atanǵan qazaqtyń arýyn kópshili­gimiz bile bermeımiz. Sondyqtan da, alystaǵy aǵaıyndy sizderge tanystyrý, jetistigin alqalap jetkizý – negizgi maqsatymyz. Olaı bolsa, kindik qany Qapshaǵaıda tamǵan qyzdaryńyzdyń tilekshisi bolyńyzdar! Talǵat RAIYMBEK, «Egemen Qazaqstan»