О́rtti órshitpeý ózimizden

Jyl saıyn elimiz aýmaǵynda tórt myńǵa tarta tabıǵı órt pen janý faktileri oryn alatyny belgili bolyp otyr. Bul jóninde keshe Ortalyq kommýnıkasııalar qyzmetinde «Tabıǵı órtterdiń aldyn alý jáne sýǵa shomylý maýsymyndaǵy qaýipsizdik qaǵıdalary» taqyrybynda ótken brıfıngte Ishki ister mınıstrligi Tótenshe jaǵdaılar komıtetiniń tóraǵasy polkovnık V.Bekker málim etti. Jalpy janǵan alqap­tardyń aýmaǵy 180 myń gektar bolsa, keltirilgen shyǵyn kólemi 230 mıllıon teńgeni qurap otyr. Komıtet tóraǵasynyń aıtýynsha, orman órtteriniń 80 paıyzǵa jýyǵy adamdardyń ke­leńsiz is-áreketterinen oryn alady. Ásirese, kóktem kez­de­rinde orman órtteriniń týyndaýy azamattardyń jáne aýyl sharýashylyǵy ónimin óndi­rýshilerdiń qurǵaq shóp pen ózge de oraqtan keıingi qaldyqtardy jaǵýdan týyndaıtyny erekshe ataldy. Bul rette jyl basynan beri oryn alǵan 27 orman órtiniń tórteýi shóp ósimdikterin ja­ǵýdan týyn­daǵanyn aıta ketý kerek. Iаǵnı, jaǵý kezinde órt qaýipsizdigi talaptary saq­talmaǵan. Vladımır Be­k­­­­ker órttiń qaýipti keze­ńi­niń bastalýyna oraı TJ ko­mıtetiniń aýmaqtyq bólim­sheleri jergilikti polısııa qyzmetimen jáne atqarýshy organdarmen birlesip, demalys jáne mereke kúnderi orman men dalaly jerlerdegi órt qaýipsizdigin buzýshylardy anyqtaý maqsatynda reıdterge shyǵatyndyǵyn erekshe atap ketti. Alaıda, komıtet tóraǵasy qa­jetti tehnıkamen qamtý máselesi aqsap turǵandyǵyn, naq­ty aıtqanda 60 paıyzdan aspaıtyndyǵyna nazar aýdartty. «Reıdtik is-sharalardyń arqasynda birlesken mobıldi toptar ruqsat berilmegen jaǵýdyń, aýyl sharýashylyǵy dalalarynda qurǵaq shópti baqylaýsyz jaǵýdyń, ańyz ben ótken jylǵy saban qal­dyqtaryn jaǵýdyń, sondaı-aq Aqmola, Jambyl, Batys Qazaqstan, Pavlodar jáne Qostanaı oblystarynyń orman jáne dala alqaptarynda órt qaýipsizdigi qaǵıdalaryn saqtamaýdyń 40 faktisin anyq­tady», dep málimdep ketti Vla­dımır Robertovıch. Komıtet tóraǵasynyń sózi­nen málim bolǵandaı, qazirgi tańda memlekettik órtke qarsy qyzmet bólim­­sheleri joq eldi me­kenderdegi órtterge den qoıý úshin jergilikti at­qarýshy organdar 4367 erikti órtke qarsy qurylym qurylǵan. Olardyń ja­raǵynda 7621 birlik tehnıka bolsa, sonyń 348-i órt sóndirý avtomobıli, 7273-i qarapaıym quraldar jáne 755 órt sóndirý motopompasy bar. Erikti órt sóndirý qurylymynyń quramynda 48201 adam bar ekendigin de atap ketken oryndy. Reti kelgende komıtet tóraǵasy Qazgıdromet RMK málimetterine júgine otyryp, elimiz aýmaǵynda ystyq (30 S deıin jetetin bolady) aýa raıynyń órshýi shilde aıynda oryn alatyndyǵyn tilge tıek ete kelip, batys jáne oń­tústik óńirlerde jaýyn-shashynnyń tapshylyǵy boljanatyndyǵyn jet­kizdi. Sondaı-aq V.Bek­ker jazǵy kezeńdegi sý aıdyndarynda azamattardyń qaýipsizdigi týraly da sóz etti. Asqar TURAPBAIULY, «Egemen Qazaqstan»