Qytaıda erekshe avtobýstyń tanystyrylymy ótti (vıdeo)

ASTANA. 25 mamyr. Qytaı astanasy Beıjińde High-Tech Expo halyqaralyq kórmesinde jergilikti ınjener mamandary oılap tapqan erekshe TEB (Transit Elevated Bus) avtobýsynyń tanystyrylymy ótti. Bul týraly rosbalt.ru saıtyna silteme jasaǵan egemen.kz tilshisi habarlady. TEB avtobýsy portaldy kranǵa uqsastyrylǵan. Ol arnaıy qoıylǵan rels joldarymen qozǵalady. Sonymen qatar, qoǵamdyq kóliktiń erekshe tusy, kólik keptelisinde turyp qalmaı, avtomobılderdiń ústinen ótýge qaýqarly. Jobanyń basty ınjeneri Baı Sýmınniń aıtýynsha, TEB avtobýsynyń qyzmeti jaǵynan metro men monorelsterden kem túspeıdi jáne arzandaý bolady. Avtobýstyń eni – 8 metr, bıiktigi – 4,6 metr, al uzyndyǵy – 32 metrdi quraıdy. Mundaı avtobýstyń astynan avtomobılge arnalǵan eki jol ótýge bolady. Ázirge bul jobanyń qashan júzege asatyny belgisiz. Alaıda, osy jyldyń ekinshi jartysynda Hebeı provınsııasynda synaqtan ótkizilý josparlanýda. Aıan Ábdýálı. Derek, foto: rosbalt.ru.