Kókshe polıseıleri bir áıeldi qaraqshydan aman alyp qaldy

KО́KShETAÝ. 25 mamyr. Aqmola oblysynyń ortalyǵynda polıseıler bir áıeldi pyshaqpen shabýyl qaraqshydan qutqaryp qaldy. Bul týraly oblystyq ishki ister departmenti baspasóz qyzmetiniń deregine súıengen egemen.kz tilshisi habarlady. Oqıǵanyń jaı-japsary tártip saqshylarynyń kómegimen bir ajaldan aman qalǵan áıeldiń departament basshysy atyna jazǵan alǵys hatynan keıin ǵana belgili boldy. Al bul oqys oqıǵa 13 mamyr kúni túnniń jarymynda oryn alǵan. Aıtylǵan áıel úıine jalǵyz kele jatady. Ol Jambyl kóshesindegi №134 úıdiń janyna jaqyndaǵanda qarańǵy qaltarysta qyz ben jigittiń turǵanyn kóredi. Áıel sosyn olardyń jandarynan ótip bara jatqanynda jigittiń qyzben ózine shabýyl jasaı alatynyn aıtyp, bástesin turǵanyn estip qalady. Jigit osyny aıta sala, áıelge qaraı pyshaq alyp tura umtylady. Ol pyshaqty munyń aldymen ishine, sosyn keýdesine qaraı silteıdi. Sol kezde esin jıyp alǵan áıel bar daýsymen aıqaılaıdy. Onyń aıqaıyn sol mańda júrgen jol patrýli polıseıleri estip qalady da, dereý kómekke umtylady. Oqıǵa ornyna tez jetken tártip saqshylary mas buzaqynyń qolynan pyshaǵyn ushyryp túsirip, ózin qamaýǵa alady. «Men úsh balanyń anasymyn. Balalarymdy jalǵys ósirip kelemin. Men jáne meniń balalarym óz ómirlerin qaterge tige otyryp, meni ajaldan aman alyp qalǵan Kókshetaý qalalyq ishki ister basqarmasynyń polıseıleri Azat Sháripov pen Nurlan Omarovqa kórsetken kásibı qyzmetteri úshin alǵysymyzdy bildiremiz», - dep jazady óziniń hatynda Samal Ahmetjanova. Baqbergen Amalbek. Derek: Aqmola oblystyq ishki ister departamentiniń baspasóz qyzmeti.