ATYRAÝ. 25 mamyr. Bıyl Atyraý oblysynyń mektepterin 4 633 túlek bitiredi. Onyń ishinde 77 mektep bitirýshi «Altyn belgi» alýdan úmitker bolyp otyr. Búgin mektep bitirýshilerge oblys ákimi Nurlan Noǵaev sáttilik tiledi. Bul týraly oblys ákiminiń baspasóz qyzmetine silteme jasaǵan egemen.kz tilshisi habarlady.
«Qazirgi zamanda bilimniń mańyzy óte joǵary. Bilimdi urpaq elimizdiń damýy men órkendeýi jolynda ter tógetin bolsa, halqymyzdyń bolashaǵy jarqyn bolmaq. Senderge aq jol tileımin. Alda kele jatqan Ulttyq biryńǵaı testte bilimderińdi esh qınalmaı paıdalanyp, jaqsylap ótkizińder. О́mir joly ońaı emes. Ata-analaryńnyń úmitin aqtańdar. Aman júrińder», – dedi oblys basshysy Nurlan Noǵaev №36 mektep-gımnazııada ótken sońǵy qońyraý saltanatynda.
Bıyl Atyraý oblysynda 4 633 túlek mektep bitiredi. Olardyń 77-si altyn belgige, 18-i úzdik attestat ıegeri atanýǵa úmitker bolyp otyr. Budan bólek bıyl Atyraý mektepterin bitirýshiler arasynan 34 halyqaralyq bilim baıqaýlarynyń jeńimpazy, 70 respýblıkalyq baıqaýynyń jeńimpazy shyqty.
Joldasbek Shópeǵul.
Derek: egemen.kz.
Foto: Rahym Qoılybaev.
