Ońtústikte qus fabrıkasynda 70 jumys orny ashylady

ShYMKENT. 25 mamyr. Ońtústik Qazaqstan oblysynda strategııalyq mańyzy bar eki iri jobany iske asyrý josparlanyp otyr. Bul týraly Arys qalasynyń ákimi Seıit Ertaıdyń aqpary boıynsha egemen.kz tilshisi habarlady. Qala ákimi strategııalyq mańyzy bar jobalardyń qurylysyna 13,5 mlrd. teńgeniń jumsalatynyn aıtty. Colardyń biri – «Ordabasy qus» JShS-niń quny 2,5 mlrd. teńge bolatyn, jylyna 1,8 mln. bas asyl tuqymdy jumyrtqa óndiretin qus fabrıkasy. Qazirgi tańda jobanyń tıisti qujattary daıyndalyp, topografııalyq jáne geodezııalyq jumystary júrgizilýde. Qus fabrıkasy óz jumysyn bastaǵanda 70 adam jumyspen qamtylatyn bolady. Al ekinshi joba negizinde «KAZ GREEN TEK SOLAR» JShS-niń balamaly elektr energııasyn óndirý jospary qolǵa alynyp otyr. Quny 11 mlrd. teńge bolatyn kún sáýlelik elektrostansasynyń qurylysyn bastaý úshin Arys qalasy aýmaǵynda 30 gektar jer telimi bólingen. Osylaısha, elektr qýaty 3 mVt bolatyn stansada jańadan 30 jumys orny ashylady. Baqtııar Taıjan. Derek, foto: egemen.kz