Áskerı oqý oryndaryndaǵy jańa mamandyqtar

Alǵash ret Qazaqstan Respýblıkasynyń áskerı joǵary oqý oryndarynda kýrsanttar úshin jańa mamandyqtar engizildi.  Al búginde jyl saıyn áskerı joǵary oqý oryndaryna 1 000-ǵa jýyq azamat oqýǵa túsedi.  Kadet korpýsynda nemese joǵa­ry oqý oryndarynda bolsyn áskerı oqý oryndaryndaǵy mamandyqtardyń tizbesi qaıta ázirlendi.  Alǵash ret 2016-2017 oqý jylynda Áýe qor­ǵa­nysy kúshteri Áskerı ınstı­týty­nyń bazasynda áskerı-medı­sınalyq fakýltette oqytý bastalady. Qurlyq áskerleriniń Áskerı ıns­tıtýtynda «Áskerı istegi menedj­ment», «Áskerı istegi logıstıka», «Áskerı istegi ıýrısprýdensııa» sekildi mamandyqtar ashyldy. Radıoelektronıka jáne baılanys Áskerı-ınjenerlik ınstıtýtynda «Áskerı istegi radıoelektronıka jáne baılanys» mamandyǵy paıda boldy.  Ol mamandyq boıynsha bilim alǵannan keıin túlekter áskerı salada ǵana emes, sonymen birge, azamattyq qyzmette de jumys isteı alady. Búginde áskerı bilim qarqyndy damýda.  Oqytý baǵdarlamasyna áskerı ádep, kóshbasshylyq jáne ás­kerı istegi basqarý stıli sııaq­ty pánder engizildi. Bul  kýr­sant­tardyń jeke tulǵasyn, kósh­basshylyq qasıetteri men minez-qul­qyn qalyptastyratyn faktorlar bolyp tabylady. Jyl saıyn Qazaqstannyń áskerı joǵary oqý oryndarynyń kýrsanttary shetelderde taǵylymdamadan ótedi. Tájirıbe jınaqtap, ózderiniń biliktiligin arttyrady. Búgingi tańda 2016 jyldyń 15 maýsymyna deıin jalǵasatyn oqýǵa túsý úshin qujattardy qabyldaý júrip jatyr. Áskerı joǵary oqý oryndarynyń kýrsanttary úshin oqýǵa arnalǵan barlyq jaǵdaı, ıaǵnı tolyq áleýmettik jıyntyq, tegin oqý jáne turý qarastyrylǵan. Barlyq túlek oqýdy aıaqtaǵannan keıin 100 paıyz jumyspen qamtylady.   «Egemen-aqparat»