ASTANA. 27 mamyr. Astanada bokstan áıelder arasynda ótip jatqan álem chempıonatynda Qazaqstan quramasynyń tórt boksshysy fınalǵa shyqty. Bul týraly egemen.kz tilshisi habarlady.
Eń jeńil salmaqta Nazym Qyzaıbaı jartylaı fınalda Soltústik Koreıa boksshysy Gým Iong Iýdi utty. Endi ol fınalda amerıkalyq Marlen Esparzany jeńgen qytaılyq Iаn Vanmen kezdesedi.
51 kıloǵa deıingi salmaqta Jaına Shekerbekova qarsylasynan utyldy. Ol 2012 jyly Londonda ótken Olımpıadanyń chempıony aǵylshyn Nıkola Adamspen kezdesip, ese jiberdi. Alaıda, shırek fınalda qarsylasyn jeńip, kelesi aınalymǵa shyqqan soń Shekerbekova Olımpıadanyń lısenzııasyn alǵan bolatyn. Olımpıadada Jaına osy boksshymen taǵy kezdesýi múmkin.
54 kıloda Dına Jolaman da fınalǵa shyqty. Ol qytaılyq Lıý Pıaopıaony aıqyn basymdyqpen utty. Fınalda Dına bolgar Stoıka Petrovamen kezdesedi. Bolgarııa boksshysy amerıkalyq Krıstıa Krýzdy jeńdi. Kelesi salmaqta Valentına Halzova (69 kg) Germanııa boksshysy Nadın Apetsten aılasyn asyryp, álem chempıony ataǵyna talasýǵa múmkindik aldy. Ol fınalda fın qyzy Elına Gýstafssondy qytaılyq Hong Gýmen qolǵap túıistiredi. Qazaqstan quramasynda tórtinshi bolyp Lázzat Kúngeıbaeva (+81 kg) fınalǵa shyqty. Lázzat ½ fınalda Qytaı sportshysy Vang Shıjınnen basym tústi. Bul jekpe-jekte qazaq qyzy qarsylasyn áreń degende utty. Endi fınalda Kúngeıbaeva AQSh boksshysy Shadasııa Grınmen álem chempıoy ataǵyn sarapqa salady.
Basqa eldiń boksshylarynan fınalda 51 kılo salmaqta Nıkola Adams (Brıtanııa) taılandtyq Pımvılaı Laopımmen, 57 kıloda ıtalııalyq Allesııa Mesıano úndi Sonıa Lathermen aıqasady. Sońǵysy qazaqstandyq Aıman Qojabekovany jeńip, fınalǵa shyǵyp otyr.
Osy dodada bes dúrkin álem chempıony Ketı Teılor (60 kg, Irlandııa) jeńilip qaldy. Ony Fransııa ókili Estel Mosselı utty. Endi Mosselı reseılik Anastasııa Belıakovamen kezdesedi. Kelesi salmaqta sheshýshi synda ırlandııalyq Kellı Harrıngton (64 kg) men qytaılyq Venlý Iаng judyryqtasady. 75 kılo salmaqta Olımpıada chempıony Klaressa Shılds (75 kg) taıpeılik Nın Chen Chındi, ekinshi jartylaı fınalda Fontın Noýchka (Nıderlandy) aǵylshyn Savanna Marshall jeńdi. Odan keıin qytaılyq Iаng Sıalı (-81 kg) Frenchon Krıýsti (AQSh), avstralııaoyq Keı Skott túrik qyzy Elıf Gıýnerıdi utyp, fınalǵa shyqty.
Fınaldyq jekpe-jekter búgin túski saǵat 15.00-de bastalady.
Dastan Kenjalın.
Derek, foto: kfb.kz
Vıdeo: Kazsport
