Mindetter belgilendi

29 qańtarda Premer-Mınıstr Kárim Másimovtiń tór­aǵaly­ǵymen Úkimet otyrysy ótti. Premer-Mınıstr Memleket bas­­shysynyń Parlament pala­ta­la­rynyń birlesken otyrysynda Qa­zaqstan halqyna Joldaýynda júk­telgen mindetterdi iske asy­rýǵa dereý kirisý qajettigin atap kórsetti. K.Másimov Aýyl sharýashyly­ǵy mınıstrligine Indýstrııa jáne jańa tehnologııalar, Ekonomı­ka­lyq damý jáne saýda mınıstrlikterimen birlese otyryp, eki aptalyq merzimde mal sharýashylyǵyn da­my­tý jónindegi jobany iske asyrýdyń tetikteri men kezeńderi boıynsha usynystardy engizýdi tap­syrdy. Indýstrııa jáne jańa tehnologııalar mınıstrligine eko­nomıkalyq damý jáne saýda, Mu­naı jáne gaz, Qorshaǵan ortany qorǵaý mınıstrlikterimen birlesip, 1 shildege deıin Úkimettiń qara­ýy­na energııa tıimdiligin arttyrýdyń keshendi jos­paryn ázirlep, engizý tapsyrdy. Ekonomıkalyq damý mınıstrligine oblystar men Astana jáne Almaty qalalary ákimderimen birlesip, aǵymdaǵy jyldyń 1 shildesine deıin údemeli ındýstrııalyq-ınnovasııalyq damý baǵdarla­ma­syn iske asyrýdy jáne ekono­mı­kanyń ósim núktelerin qamtamasyz etýdi eskere otyryp, aýmaqtardy damytý baǵdarlamasynyń jobasyn Úkimet qa­raýyna engizý tapsy­ryl­dy. So­nymen qatar, 2011 jyldyń 1 sá­ýirine deıin halyqty sapaly aýyz sýmen qamtamasyz etýdiń jańa baǵ­dar­lamasynyń jobasyn engizý de júkteldi. Bilim jáne ǵylym mınıstrligine eki aptalyq merzimde kásiptik-tehnıkalyq ma­man­dardy daıarlaý jónindegi ulttyq keńestiń quramy jáne onyń 2011 jylǵy jumys jos­pary jó­ninde usynys­tar engizýdi tap­syr­dy. Densaýlyq saqtaý mınıstrligine bir aı merzim ishinde Úkimettiń qaraýyna halyq­tyń maq­sat­ty top­tarynyń ara­synda ulttyq skrınıngtik zertteýler júrgizýdiń jos­paryn engizý tapsyryldy. Bir aı ishinde kóliktik medısınany da­mytý, onyń ishinde 50 avtoemhana, joldaǵy dárigerlik-qutqarý beketteri jáne sanıtarlyq avıasııany 16 tikushaqpen tolyq­ty­rýǵa qa­tys­ty naqty usynystardy engizý júk­teldi. Mádenıet mınıstrligine Tilderdi qoldaný men damytýdyń  2011-2020 jyldarǵa deıingi memlekettik baǵ­darlamasyn júzege asyrý jónin­degi is-sharalar jospa­ryn ázirleýdi tezdetý tap­syryldy. Sondaı-aq, mınıstrlikke eki apta merzim ishinde elimiz Táýelsizdiginiń 20 jyl­dyǵyn toılaý jónindegi jal­pyulttyq is-sha­ralar jos­paryn júzege asyrýdyń tetikteri, onyń ishinde mereı­toı­lyq sharalarǵa ınvestorlar men otan­dyq bıznes ókilderiniń qatysýy má­seleleri boıynsha usynystardy engizý tap­syryldy. Eńbek jáne ha­lyqty áleý­mettik qorǵaý mınıstrligine tıisti memlekettik organdarmen bir­lesip, 2011-2020 jyldarǵa deıingi ju­myspen qamtýdyń túbe­geı­li jańa baǵ­darlamasyn ázirleý júk­teldi. Qarjy mınıstrligine bir aı merzimde Qarjy qadaǵalaý agenttigimen birlese shaǵyn nesıelendirý qural­daryna qoljetimdilikti keńeı­tý­ge baǵyt­talǵan keshendi is-sharalar jóninde usynystar ázirlep, engizý tap­syryldy. 2011 jyldyń 1 sáýi­rine deıin shaǵyn nesıelendirý te­tikterin jetildirýge baǵyttalǵan zań­dardyń jobasyn Úkimettiń qa­raýyna engizý, Qarjy jáne Aýyl sharýa­shylyǵy mınıstrlerine qol­je­timdi shaǵyn nesıelendirýdi Aýyl sharýa­shy­lyǵynyń ózekti má­se­le­lerimen sabaqtastyrýdy júktedi. K.Másimov Memleket basshy­synyń Joldaýyndaǵy tapsyrma­lardy oryndaý jónindegi 2011 jyl­ǵy Jalpyulttyq is-sharalar jos­paryn qysqa merzimde ázirleý qa­jettiligin atap ótti. Venera TÚGELBAI.