Lańkestiktiń ult pen dinge qatysy joq

Asa qamqor erekshe meıirimdi Allanyń atymen bastaımyn! Tarıhy tereńde jatqan Qazaq eli eshqashan dúnıejúzindegi dú­birli oqıǵalardan tys qalyp kór­gen emes. Kóne zamannan beri bizdiń keń-baıtaq dalamyz arqy­ly, ıaǵnı Uly Jibek jolymen teń-teń júgi bar kerýender ótetin. Jibek joly, óz kezeginde, ekono­mıkanyń qarqyndy damýyn, máde­nıetaralyq únqatysý men din­aralyq ózara árekettestiktiń orny­ǵýyn, halqymyzdyń máde­nıeti men rýhanı murasynyń ózine tán qaı­talanbas sıpatta damýyn qam­tamasyz etti. Jibek joly boıynda ornalasqan qalalarda meshitter, shirkeýler men ǵıbadathanalar qatar ornalasty. Osy rette, biz­diń halqy­myzdyń ıslam dinin qabyl­daý arqyly óziniń sanaly tań­daýyn jasaǵanyn aıta ketý kerek. Adamzat jańa myńjyldyqqa aıaq basqannan bergi ýaqytta kúrdeli áleýmettik syn-tegeý­rin­derge, problemalarǵa jáne qaı­shylyqtarǵa tap bolýda. Jalyn­dap janyp jatqan Taıaý Shy­ǵys, Aýǵanstan, Mıanma men Iemen elderi – musylman úmbeti dene­sindegi qaıǵy-qasiretke aınaldy. Bizdi Taıaý Shyǵystyń jekelegen elderinde belgili bir kúshtermen jáne bir-birimen qaqtyǵysqa túsip otyrǵan kúresýshi taraptarmen dindi óz maqsattaryna jetý quraly retinde paıdalaný oryn alyp otyrǵany alańdatpaýy múmkin emes. Biz osy rette ekstremızm men terrorızmniń eshbir dinge nemese etnosqa qatysy joq ekendigin umytpaýymyz kerek. Degenmen, din atyn jamy­lyp, aýyr qylmystar jasaıtyn lańkester búkil álemge ıslam dinin jahandyq qaýip-qater­di týyndatatyn kóz retinde kórse­týge umtylyp otyr. Aıattar men hadıs­terdiń mátinderin ádeıi burmalap, beıkúná adamdardyń qanyn tógip júrgen radıkaldardyń ıslamǵa múldem qatysy joq. Islam dini beıbitshilikti, aman­dyq pen tatýlyqty bildiredi. Qu­r­an Kárimniń «Ánbııa» súresiniń 107-aıatynda, Alla taǵala óziniń soń­ǵy Elshisi jaıynda bylaı degen: «Biz seni búkil álemge rahmet etip qana jiberdik». Eger de adamnyń ómiri adam­gershilikke, kórgendilik pen ádeptilikke negizdelmese, onda mundaı qoǵamda qaıǵy men muń ornyǵady. Qatygezdik, kekshil­dik pen óshpendilik eshýaqytta jaqsylyqqa ákelmeıdi. Demek, biz Jaratýshynyń sheksiz syıy bolyp tabylatyn beıbitshilik­ti saqtaı jáne baǵalaı bilýi­miz qajet, óıtkeni, ol – bizdiń amandyǵymyz ben baǵa jetpes baılyǵymyz. Osy rette qazirgi kúnde ıgi dás­túrge aınalǵan Qazaqstan Respýb­lıkasy Prezıdentiniń bastamasymen qurylǵan Álemdik jáne dástúrli dinder kóshbasshylary­nyń sezi barlyq din ókilderi men álemdik qoǵamdastyqtyń beıbit qatar ómir súrýdi saqtaý jáne nyǵaıtý jaýapkershiligin sezinýge sep­tigin tıgizeri anyq. Álemdik jáne dástúrli dinderdiń ókilderi jınalatyn sezd alańynda ıslam týraly sóz alatyn musylman ǵalymdary adamdar, qoǵamdar men memleketter arasyndaǵy ózara túsinýshilik pen kelisimniń nyǵaıa túsýine septigin tıgizerine senimdimin. Halyq danalyǵy «Birlik – yn­tymaq kepili» deıdi. Men son­dyqtan da barshalaryńyzdy izgi jáne jaýapkershiligi mol áre­ket­ter jasaýǵa shaqyramyn. Ja­ratqan Alla taǵala ıgi isteri­miz­di qabyl alyp, eki álemde de О́ziniń jarylqaýyn bersin! Áýmın! Erjan MAIаMEROV, QMDB tóraǵasy, Bas múftı