ALMATY. 31 mamyr. Almatyda mádenıet salasynyń úzdigi Estaı Álikeevtiń «Sher» atty jyr jınaǵynyń tusaýkeseri ótti. Bul týraly egemen.kz tilshisi habarlady.
Ánshi, aqyn, kompozıtor retinde tanylǵan Álikeevtiń buǵan deıin «Taǵdyrym meni, keshirshi», «Anama», «Júregim – sazdy sandyǵym», «Estaı Álikeevtiń ánderi», «Án-júregimde», «Ázirge aıtarym» sııaqty jınaqtary jaryq kórgen. 100 den astam lırıkalyq jáne patrıottyq ánderdiń avtory. Shómishbaı Sarıev, Muqaǵalı Maqataevtyń óleńderine basa nazar aýdarady.
Sonymen qatar, ánderin qazaq estradasynyń shoq juldyzdary Roza Rymbaeva, Maqpal Júnisova, Tuńǵyshbaı Jamanqulov, Dılnaz Ahmadıeva, «Kaspıı» toby, «Nur-Muqasan» toby, Jubanysh Jeksenuly, Eset Sádýaqasov, Dınara Qyryqbaeva, Áıgerim Qalaýbaeva, О́mirqul Aınııazov, Dına Hamzına, Qaıyrjan Berdibaevtar oryndap júr.
Ol balalarǵa da arnap óleń jazady. О́leńderi respýblıkalyq merzimdi basylymdarda jarııalanyp turady.
Osylaısha jańa jyr jınaǵyn óleńsúıer qaýymmen qaýyshtyrǵan talant ıesiniń kitap-tusaýkeseri tamasha órbidi. Shyǵarmashylyq kezdesýde «Sher» kitabyna arqaý bolǵan órshil óleńder oqylyp, jınalǵandar jaqsy ásermen tarady.
«Jańa zamannyń Estaıy» atanǵan Álikeev ózgeni qaıtalamaıtyn erekshe qoltańbasy arqyly tyńdarmandar súıispenshiligene bólenip, shyǵarmashylyq izdenis pen eńbekqorlyqtyń úlgisin kórsetip júr. «Jasa, máńgi qazaǵym», «Jaqsy-jaman», «Taldyqorǵan», «Aq tilek», «Semeıim», «Myna dúnıe», «О́kinbe», «Sen ǵana», «Abylaı han» ánderine beınebaıan túsirilgen.
Aınash Esalı.
Derek, foto: egemen.kz.
