Atyraýda basqarma basshysy taǵaıyndaldy

ATYRAÝ. 31 mamyr. Atyraý oblysynyń ákimi Nurlan Noǵaevtyń ókimimen oblystyq tabıǵı resýrstar jáne tabıǵat paıdalanýdy retteý basqarmasynyń basshysy taǵaıyndaldy. Bul týraly egemen.kz tilshisi habarlady. Atalǵan basqarmanyń basshysy bolyp Qadyrjan Arystanov taǵaıyndaldy. Ol 1958 jyly týǵan, bilimi joǵary. 1979 jyly Gýrev pedagogıkalyq ınstıtýtyn, 1988 jyly Almaty aýyl sharýashylyq ınstıtýtyn bitirgen. Eńbek jolyn orta mektepte fızıka pániniń muǵalimi bolyp bastaǵan. Keıin komsomol uıymynda, keńsharda jumys istegen. Elimiz táýelsizdigin alǵan tusta shaǵyn kásipkerlikte baǵyn synaǵan. Ár jyldary «Jazıra» shaǵyn memlekettik kásiporny dırektorynyń orynbasary, «Teńiz» seriktestigi dırektorynyń orynbasary, «Abka», «Antako» mekmeleriniń dırektory bolǵan. 2001-2007 jyldary Atyraý oblystyq aýyl sharýashylyǵy basqarmasynyń bastyǵy, aýyl jáne balyq sharýashylyǵy departamentiniń dırektory bolyp qyzmet etti. 2007-2008 jyldary «Orda-Agro-Invest» jaýapkershiligi shekteýli seriktestigine basshylyq etken. 2008-2011 jyldary Parlamenti Senaty apparatynyń agrarlyq máseleler jáne qorshaǵan ortany qorǵaý komıtetimen baılanys jónindegi bólimniń bas konsýltantynyń mindetin atqarýshy, osy bólimniń bas konsýltanty, sodan soń, tabıǵat paıdalaný jáne aýyldyq aýmaqtardy damytý jónindegi komıtetpen baılanys jónindegi bólimniń bas konsýltanty, agrarlyq máseleler tabıǵat paıdalaný jáne aýyldyq aýmaqtardy damytý jónindegi komıtetpen baılanys jónindegi bólimniń bas konsýltanty qyzmetterin atqarǵan. Joldasbek Shópeǵul. Derek, foto: Atyraý oblysy ákiminiń baspasóz qyzmeti.