Kúmán keltirý ábden negizdi

Qazaqstan Respýblıkasy Konstıtýsııalyq Keńesi Tóraǵasynyń «Qazaqstan Respýblıkasynyń Konstıtýsııasyna ózgeris pen tolyqtyrý engizý týraly» Qazaqstan Respýblıkasynyń Zańyn Qazaqstan Respýblıkasynyń Konstıtýsııasyna sáıkestigi turǵysynda tekserý týraly» Qazaqstan Respýblıkasy Konstıtýsııalyq Keńesiniń normatıvtik qaýlysyna TÚSINDIRMESI Konstıtýsııalyq Keńes sheshiminiń máni mynada. Kons­tıtý­sııa­lyq Keńestiń paıym­daýynsha: Konstıtýsııa respýblıkalyq referendýmdy halyqtyń óz bıligin tikeleı júzege asy­rýy­nyń nysany jáne memleket ómiriniń asa mańyzdy máselelerin sheshýdiń demo­kratııalyq ádisi dep aı­qyn­daı­dy, demek, Tuńǵysh Prezıdenttiń – Elbasynyń prezıdenttik óki­lettigin uzartý da osyndaı másele bolýy múmkin. Parlament óziniń konstıtýsııalyq ókilettigi negizinde, onyń pikirinshe Memleket bas­shysynyń prezıdenttik ókilettigin respýblıkalyq referendýmda uzartý jóninde ha­lyqtyń erik bildirýin qamtamasyz etýge quqyqtyq negiz jasaýǵa tıis bolatyn Zańdy qabyldady. Alaıda, Zańdy zerdeleý barysynda Konstıtýsııalyq Keńes bul Zańnyń Prezı­denttiń ókilettigin uzartýdy kózdeıtin normasy zań­dyq turǵydan dál jazylmaǵanyn anyqtady. Zańnyń 1-tarmaǵynan Qazaqstan Respýblıkasy Tuńǵysh Prezı­den­tiniń – Elba­synyń prezıdenttik ókilettigi qaı merzimge uzar­ty­la­tyny baıqalmaıdy, mundaı uzar­týdyń bir jolǵy álde qaı­ta­lanatyn sıpatta bolatyny, ne bolmasa Memleket bas­shysyn saılaýdan tolyǵymen bas tartý kózdeletini anyq emes. Osy konstıtýsııalyq normanyń anyq jazylmaýy Konstıtýsııada kózdelgen memlekettik jáne qoǵamdyq ınstıtýttardyń tájirıbe jú­zinde úılespeýshiligine ákelip soq­ty­rýy múmkin. Sondyqtan, el Prezıdentiniń Parlament qabyldaǵan zańnyń konstıtýsııalyǵyna kúmán keltirýi ábden negizdi bolyp shyqty dep atap ótýge bolady. Konstıtýsııalyq Keńes bul zańdy Konstıtýsııaǵa sáıkes emes dep tapty. Bul – zańǵa qol qoıylmaıtynyn jáne onyń qol­da­nysqa engizilmeıtinin bildiredi. Sonymen birge, Konstıtýsııaǵa saı Qazaqstan Respýb­lı­ka­sy­nyń Prezıdenti Konstıtýsııalyq Keńestiń sheshimine bir aı ishin­de qarsylyq bildirýge quqyly ekendigin nazarda ustaý kerek. Osylaısha, referendýmnyń taǵdyryna qatysty sońǵy sózdi Memleket basshysy ǵana aıta alady.