Jıyrma jyldyq – eldiktiń, egemendiktiń, kemeldený men keleshekke qulash sermeýdiń tamasha kezeńi

Gazettiń ótken nómirinde habarlanǵanyndaı, 28 qańtarda Aq­or­dada Qazaqstan Respýblıkasynyń Prezıdenti Nursultan Na­zarbaevtyń tóraǵalyq etýimen el Táýelsizdiginiń 20 jyldyǵyna ar­nalǵan keńes ótti. Oǵan Parlament palatalarynyń tóraǵa­la­ry, Prezıdent Ákimshiliginiń jaýapty qyzmetkerleri, jekelegen mınıstrlikterdiń basshylary, oblystardyń, Astana men Almaty qalalarynyń ákimderi qatysty. Keńeste Táýelsizdiktiń 20 jyl­dyǵyn ótkizýge daıyndyq barysy jáne Jalpyulttyq josparǵa sáı­kes ázirlengen Tujyrymdama talqylandy. Memleket basshysy Parlament palatalarynyń birlesken otyry­synda Qazaqstan halqyna dástúrli Joldaýyn arnaǵan edi. Prezıdent sózin aldymen Jol­daý­daǵy negizgi basymdyqtardan bastady. Búgin ózderińiz kýá bol­ǵandaı men jyl saıynǵy dás­túr­li Joldaýymdy halyqqa jarııa ettim, dedi Elbasy. Joldaýda bı­yl­ǵy jyly atqa­rylýy tıis negizgi baǵyttarymyz ben mindetterimiz aıqyndaldy. So­nyń ishinde Táýel­siz­diktiń 20 jyldyǵyn el bo­lyp jo­ǵary deń­geıde atap ótý máse­le­si­ne erekshe mán berip otyr­myz. Sondyqtan búgingi ke­ńes­­te osy aı­týly sharaǵa daıyn­dyq másele­lerin ózderińiz­ben tal­qylap jáne aqyldasyp alýdy jón sanadym. Táýelsizdik – táńirdiń bizdiń urpaqqa bergen úlken baqyty, hal­qymyzdyń máńgilik qundy­lyǵy. Biz búginge deıingi barlyq jetistikterimizge Táýelsizdiktiń ar­qa­synda qol jetkizdik. Jıyr­ma jyl ishinde eldiń ál-aýqatyn kóterip, tól mádenıetimiz ben memlekettik tildi jańǵyrtý isinde qyrýar ju­mystar jasadyq. Eli­mizde bilim, ǵylym, densaý­lyq, sport salalary aıryqsha damý ústinde. Táýelsizdiktiń qasıetin osy­laı baǵalaǵan Prezıdent Azııa oıyndaryna toqtaldy. Astana jáne Almaty qalalarynda ótetin 7-qysqy Azııa oıyndaryna 27 elden sportshy qatyspaq. Sóıtip, biz osyndaı qurlyqtyq sport sha­rasy  arqyly Táýelsizdiktiń jıyrma jyldyǵyn bastap ketpekpiz. El tarıhyndaǵy osyndaı biregeı belesti tolaıym tabys­tar­men qarsy alý barshamyz úshin úlken syn. Táýelsizdik toıy jal­py­halyqtyq sıpatqa ıe bolyp, otandastarymyzǵa aıryqsha rýh berýi kerek. Táýelsizdik toıyna árbir qazaqstandyq óz úlesin qo­sýy tıis. Ol – aýyl sharýa­shy­lyǵynda, óndiriste, ónerkásipte jumys istep júrgen kez kelgen otandasymyzdyń sapaly eńbek etip, el ıgiligin arttyrý degen sóz. Iаǵnı, azamattarymyzdyń adal eńbegi men elge degen shy­naıy qurmeti táýelsizdik toıyna jasalǵan úlken tartý bolmaq. Jıyr­ma jyldyq – eldiktiń, egemendiktiń, kemeldený men keleshekke qulash sermeýdiń tamasha kezeńine aınalýy tıis. Memleket basshysynyń atap ótkenindeı, Joldaýda memlekettik saıasattyń aldaǵy jyldar­da­ǵy basymdyqtary naqty belgilengen. Bıylǵy Joldaý negizinen áleýmettik baǵytta bol­dy. Onda elimiz halqynyń áleý­mettik ál-aýqatyn kóterýge qa­tys­ty úlken blokty sharalar qa­rastyrylǵan, ekonomıkany ın­dýs­trııalyq-ın­novasııalyq damy­tý boıynsha jańa mindetter qoı­yl­ǵan. Olar­dy júzege asyrý daǵdarystan keıingi damýdaǵy mańyzdy ba­symdyqtar bolady. Prezıdent Joldaýdaǵy mindetterdi júzege asyrýǵa kirisý jóninde Úkimetke, barlyq memlekettik organdarǵa jáne ákim­der­ge tapsyrma berdi. Sonymen qatar, Joldaýdy, ondaǵy basym­dyqtardy turǵyndar arasynda túsindirý úshin keń aýqymdaǵy is-sharalar júrgizip, oǵan azamat­tar­dyń belsendi qatysýyn uıym­dastyrý qajettigin atap kórsetti. Bul jumystardy Úkimet, Prezıdent Ákimshiligi, «Nur Otan» partııasy, depýtattar men ákim­der úılestirýi tıis. Joldaýda men elimizdiń Táý­el­sizdiginiń 20 jyldyǵyn merekeleý máselelerin erekshe atap óttim, dedi Memleket basshysy ári qaraı. Táýelsizdik – bizdiń eń basty ıgiligimiz, baǵa jet­pes qun­dylyǵymyz. Jas mem­leket ta­rıhyndaǵy jańa dáýir dál osy Táýelsizdikten bastaý alady. Dáýir jasampazdyǵy senimdi jáne serpindi damýǵa baılanys­ty. Sondyqtan da Táýelsizdik erekshe mańyzǵa ıe. Bizdiń aldy­myzda osy jyly Táýelsizdik me­reıtoıyn asqan uıymdastyrý­shy­lyq­pen jáne joǵary ıdeolo­gııa­lyq deńgeıde ótkizý mindeti tur. Memlekettik hatshy – Syrtqy ister mınıstri, Táýel­sizdiktiń 20 jyldyǵyn ótkizý jónindegi Memlekettik komıssııa­nyń tóraǵasy Qanat Saýdabaev baıandama jasady. Osydan on toǵyz jyl buryn Táýelsiz Qazaqstan memleketiniń qazyǵyn Siz óz qolyńyzben qadaǵanyńyz barshaǵa belgili, dedi Memlekettik hatshy sóziniń basynda. Sodan bergi ýaqytta Siz­diń tarıhı eńbegińizdiń arqa­synda búkil álem qazaq ultyn, Qazaqstan elin barynsha tanydy. Mártebeli memleket retinde moı­yndady. Sizdiń Qazaqstan hal­qyna Joldaýyńyzda kórsetilgen tapsyrmalar men mindetterdi bas­shylyqqa ala otyryp, biz olar­dy laıyqty júzege asyrýǵa barlyq kúsh-jigerimizdi jumyldyratyn bolamyz. Sonyń ishinde eń bas­tysy – Táýelsizdiktiń 20 jyl­dy­ǵyn búkil qazaqstandyqtar bo­lyp atap ótý sharalaryna daı­yn­dyq jumystaryn oıdaǵydaı bastap kettik. Memlekettik hatshy – Syrtqy ister mınıstri budan keıin el Táýelsizdiginiń 20 jyldyq me­reı­toıy atalyp ótiletin jyl ishin­degi aýqymdy is-sharalarǵa toqtaldy. Memlekettik komıssııa tóraǵasynyń toqtalyp ótke­nin­deı, Prezıdenttiń 2010 jyldyń naýryzynda Táýelsizdiktiń 20 jyldyǵyna baılanysty bergen tapsyrmalaryna sáıkes, mereı­toı­ǵa daıyndyq jumystary júı­eli túrde júrgizilip jatyr. Úkimet basshysy tóraǵalyq etetin Uıym­dastyrý komıteti «Beıbitshilik pen jasampazdyqtyń jıyrma jyldy­ǵy» jalpyulttyq josparynyń jobasyn ázirledi. Osy jospardyń aıasynda ortalyq memlekettik organdar men jergilikti jerlerdegi basshylardyń árqaısysy ózderi­niń qandaı sharalar uıymdas­tyryp, ótkizetinin biledi. Mereıtoı jylyndaǵy basty basymdyqtar da aıqyndalǵan. Olar – Qazaqstandy ekonomıka­lyq qýatty, búkil álem qarqyndy damyp kele jatqan óńirlik derjava retinde tanyǵan tusaý­ke­serler ótkizý; Elbasynyń jańa Qazaqstandy qalyptastyrýdaǵy, eli­mizde beıbitshilik pen kelisimdi nyǵaıtýdaǵy, jahandyq jáne óńirlik qaýipsizdikti qamtamasyz etýdegi aıryqsha rólin kórsetý, barlyq qazaqstandyqtardyń birligi men patrıotızmdi nyǵaıtyp, táýelsiz memleket qurý úderis­terindegi, sondaı-aq el taǵdy­ryna degen jaýapkershilikti art­tyrýdaǵy jasampazdyq isterin qazaqstandyqtarmen qatar, álem jurtshylyǵyna tanystyrý. Komıssııa tóraǵasy Qanat Saý­dabaevtyń atap ótýinshe, Táýel­sizdik jylynyń árbir aıy óziniń taqyryptyq baǵyttaǵy is-shara­larymen erekshelenedi. Mysaly, qańtar aıy Qysqy Azııa oı­yn­daryn, Táýelsizdik alǵannan bergi kezeńderde qazaqstandyq sport­shylardyń respýblıkalyq jáne halyqaralyq jarystardaǵy jetistikterin keń aýqymda nası­hat­taýǵa arnaldy. Aqpan aıy Qazaq­stannyń halyqaralyq deńgeıdegi joǵary bedeline arnalǵaly otyr. Bul aıda qoǵamnyń nazary eli­mizdiń syrtqy saıasattaǵy basta­ma­lary men qol jetkizgen tabys­taryna jáne álem elderimen dos­tyq qatynasty nyǵaıtýǵa baı­lanysty taqyryptarǵa nazar aýdarylady. Naýryzda ótkiziletin sharalar taqyrybyna negizinen urpaqtar jalǵastyǵy, otbasylyq qundy­lyqtardy qurmetteý ózek bola­dy, dedi Memlekettik hatshy osy týraly. Al sáýirdegi negizgi is-shara­lar­dyń basty taqyryby ındýs­trııa­lyq-ınnovasııalyq damýǵa arna­la­dy. Munda reformalaý men el ekonomıkasyn ártaraptandyrý­daǵy ǵylym men jańa teh­nologııalardyń ereksheligine jáne róline basa nazar aýda­ry­lady. Komıssııa tóraǵasy, sondaı-aq budan keıingi aılarda júzege asyrylatyn sharalardan da habardar etti. Mysaly, mamyr – birlik pen toleranttylyq taqy­ry­byna arnalmaq. О́ıtkeni, bul aıda Qazaqstan halqy birligi kúni, Jeńis kúni jáne Otan qor­ǵaýshy kúni keńinen merekelenip keledi. Maýsymdaǵy basty taqy­ryp – patrıotızm. Osyǵan baıla­nysty elimizdiń barlyq óńir­lerinde patrıotızmge úndeıtin aksııalar, oıyndar men festıvalder ótkizý josparlanyp otyr. Shilde aıy Qazaqstannyń astanasyna arnalmaq. Sebebi, 6 shilde – Astana kúni. Astana – bolashaqqa umtylǵan elimizdiń táýelsizdiginiń jarqyn sımvoly. Tamyzda Táýelsiz Qazaqstannyń Konstıtýsııasy atap ótiledi. Son­dyqtan bir aı boıy el táýel­siz­diginiń quqyqtyq negizderin sı­pat­taıtyn túrli is-sharalar uıym­dastyrylatyn bolady. Kúz maýsymynyń alǵashqy aıy – qyrkúıek. Bilim kúnin merekeleýden bastalyp, sonyń aıasynda qazaqstandyq qoǵamda bilim, mádenıet, tilder men rýhanı kelisim máseleleri qamtylady. Qazanda biz aýyl-seloǵa erekshe nazar aýdaratyn bolamyz, dedi Qanat Saýdabaev. Bul aıda aýyl­sharýashylyq jumystary­nyń qorytyndysy shyǵarylady. Qoǵam agroónerkásip kesheniniń serpindi jobalarymen tanysty­ry­lady. Qarasha údemeli ındýstrııalyq-ınnovasııalyq da­mý­ǵa arnalady. Bul aıdaǵy shara ulttyq valıýtamyz – Teńge kúnin merekeleýden bastalady. Al me­reıtoıdyń qorytyndy keze­ńin­de (26 qarasha men 15 jeltoqsan aralyǵy) Táýelsiz Qazaqstannyń qol jetkizgen negizgi tabystaryn qamtıtyn «Táýelsizdiktiń jıyr­ma shyńy» degen uranmen ekpindi jıyrma kúndik ótkiziledi. Onyń ár kúni táýelsizdik jyldaryn­daǵy jetistikter men bazalyq qundylyqtarǵa arnalady. Memlekettik komıssııanyń tór­aǵasy sóziniń barysynda mereıtoı jylyn merekeleýdiń jáne Jal­py­ulttyq josparda kórsetilgen sha­ra­lardy oıdaǵydaı júzege asy­rýdyń birqatar mańyzdy tus­ta­ryna da toqtalyp ótti. Qanat Saýdabaevtyń toqtalyp ótkenin­deı, qazaqstandyqtardyń ómirin sapalyq jaǵynan kóterý úshin ár otbasy, ár úı, ár kóshe men aýyl, qala men oblys óz aýmaqtaryn jańartýy, kóriktendirýi arqyly mereıtoıǵa daıyndalýy qajet. Sonymen birge, múmkindigine qa­raı turǵyndardy aýyz sýmen, gaz­ben qamtamasyz etý máse­lelerin qarastyrýy tıis. Bul máselelerde Prezıdent Nur­sultan Nazarbaev­tyń bastama­sy­men júzege asy­rylyp jatqan tamasha tájirıbe – «Jol kartasy» bar. Memlekettik hatshy – Syrtqy ister mınıstri Táýelsizdiktiń 20 jyldyǵyn merekeleýde kezekti asa mańyzdy baǵyt – halyqara­lyq deńgeıde ótetin aýqymdy sharalar bolatynynan habardar etti. Komıssııa tóraǵasy Qanat Saýdabaevtyń aıtýynsha, bıylǵy jyldyń mamyrynda IV Astana eko­nomıkalyq fo­rýmy, maýsym­da ShYU-nyń me­reı­toılyq sammıti, Búkilálemdik Islam ekono­mıkalyq forýmy, IKU-nyń 38-shi Syrtqy ister mı­nıstr­leriniń keńesi ótedi. Sonymen qatar, shilde aıynda Astana kúni merekelenip, tamyz­da Semeı ıadrolyq sy­naq polı­gonynyń jabylǵanyna 20 jyl to­lady. Bulardyń bar­ly­ǵy aıtý­ly sharalar bolyp tabylady. Memlekettik hatshy, sondaı-aq osy jyldyń naýryzynda Egıpette IKU-nyń HII sammıti óte­tin­digine arnaıy toqtaldy. Onyń habardar etýinshe, sammıtte Qa­zaq­stan Prezıdentiniń elimizdiń osy Uıymǵa tóraǵalyǵyndaǵy basymdyqtary men tujyrym­da­ma­­lyq maqsattaryna baı­lanysty baǵdarlamalyq sóz sóıleýi jos­par­lanyp otyr. Bul sharalardyń bar­ly­ǵynda Qazaqstannyń ımıdjin halyqaralyq qoǵamdas­tyq­ta kóteretin máseleler kórinis tabady. Komıssııa tóraǵasy  mereı­toı­lyq sharalardyń baǵdarla­ma­laryna aqparattyq-nasıhattyq qoldaý kórsetý arqyly olardy jurt­shy­lyqqa jetkizý másele­sine toq­taldy. Qanat Saýda­baev­tyń keltirgen málimetterine qa­ra­ǵanda, mereıtoılyq sharalar­dy nasıhattaý jumystary ishki jáne syrtqy aqparat keńistiginde qa­zir­diń ózinde bastaldy. Qazaq­stan­dyq BAQ-tar mereıtoıǵa arnalǵan arnaıy aıdarlar ashty, sondaı-aq Táýelsiz Qazaqstannyń qalyptasýy men damýyn arqaý etetin kórkem jáne derekti fılm­der túsirý, túrli telebaǵdar­lamalar jasaý jumystary bas­tal­dy. Atal­ǵan jumystar dás­túrli BAQ-tarda ǵana emes, ınternet keńis­tigi men bloger sala­laryn da qam­tıtyn bolady. So­ny­men qatar, elimizdiń jetistikteri tý­raly materıaldar asa bedeldi shet­eldik BAQ-tarda da jarııa­lanady. Jalpyulttyq jospar boı­yn­sha, dedi Memlekettik hatshy sózi­niń sońynda, 136 shara ótkiziledi. Onyń 68-i qoǵamdyq-saıası, 21-i mádenı, 19-y ǵylym men bilim berý, 12-si sport, 16-sy aqpa­rat­tyq-ımıdjdik taqyryptarǵa ar­nalǵan. Memlekettik hatshynyń baıan­damasy aıaqtalǵan soń, Prezıdent  Komıssııa tóraǵasynan «Aýyl­dyń órkendeýi – Qazaqstannyń órkendeýi» aksııasyna baıla­nys­ty jergilikti jerlerde qandaı ju­mystar qolǵa alynyp jatqa­nyn surady. Qanat Saýdabaevtyń aıtýynsha, jalpyulttyq josparda ár oblysta júzege asy­ry­latyn jumystar jeke-jeke kór­se­tilgen. Qazirgi kezde olar qolǵa alynyp jatyr. Barlyq oblys­tar­da, aýdandar men eldi mekenderde Táýelsizdiktiń 20 jyldy­ǵyna daıyndyq kópten beri júrgizilýde. Árbir óńir ózderiniń naqty mindetterin jaqsy biledi. Jyl ishinde atqarylatyn jumys­tar eldi mekenderdiń áleýmettik-ekonomıkalyq jaǵdaıyn qazirgi­den de jaqsartatyn bolady. Budan keıin Elbasyna Máde­nıet mınıstri Muhtar Qul-Muhammed mereıtoı aıasynda mınıstrlik tarapynan ótkiziletin sharalarǵa daıyndyq jóninde baıandap berdi. Jalpyulttyq jos­par­ǵa sáıkes ár oblys Táýel­sizdiktiń 20 jyldyǵynda qandaı is-sharalar ótkizetindigi týraly jos­parlaryn jasady, dedi mınıstr. О́ıtkeni, ótken jyldyń tamyz, qyrkúıek aılarynda ob­lystar ákimderi barlyǵynan habardar boldy, bıýdjetterinde oǵan qajetti qarjy qarastyrdy. Al is-sharalar negizinen tórt deń­geıde: Astanada, oblystar orta­lyq­ta­ryn­da, aýdandar ortalyq­ta­rynda jáne ár eldi mekenderde ótedi. Táýelsizdiktiń mereıtoıy má­de­nı sharalarmen shektelip qal­maı, áleýmettik salany damytý máse­lesine de basa kóńil bóline­tin bolady. Joldaýda Siz atap kór­­setken Táýelsizdik bizge bos­tan­dyq, bereke-birlik, saıası jáne áleýmettik turaqtylyq berdi. Osy tórt sóz Tujyrymdamanyń negizgi túıini dep aıtýymyzǵa bo­lady. Táýelsizdiktiń arqasynda, Siz júrgizgen dana saıasattyń ná­tıjesinde elimizde bereke-birlik ornady. Birligi joq eldiń ne bolǵanyn kórip otyrmyz. Táýel­sizdik jylynda ótkiziletin kez kelgen shara óz eline, óziniń Elba­syna degen shynaıy yqylasyn uıalatatyn shara bolyp ótkizile­tinine nyq senimdimin. Memleket basshysy M.Qul-Muhammedtiń pi­ki­rin negizinen quptaı kelip, aýdandar ortalyq­tary men eldi mekenderde sherýler ótkizýdiń qajeti joq degendeı oı bildirdi. Onyń esesine Táýelsizdiktiń, el Kons­tıtýsııa­sy­nyń mańyzyn ha­lyq­qa túsindi­rý jaǵyna basa kó­ńil bólý qajet­tigin, jańa ta­rıhy­myzdy, ásire­se, jastar ara­syn­da keńinen na­sı­h­attaýǵa nazar aýdarý kerektigin qazirden oılas­tyrýdy tap­syr­dy. El Táýelsizdiginiń 20 jyldy­ǵyna arnalǵan is-sharalardy kóp­shilik qaýymǵa jetkizip, nasıhattaýda BAQ-tardyń orny bólek, róli erekshe. Bul týraly Prezıdent Ákimshiligi Basshysynyń orynbasary Máýlen Áshimbaev ha­bardar etti. Onyń atap ótýin­she, Táýelsizdik mereıtoıyn ót­kizý­diń Tujyrym­damasy ázirlen­di, Prezıdent Ákim­shiligi Baı­la­nys jáne aq­parat mınıstrligimen birlesip, medıajospar jasa­dy. Onda jyl ishinde atqa­ry­la­tyn sharalar naq­ty kórinis tap­qan. Is-sharalar birneshe baǵyt boıynsha nasıhat­talady. Jyl­dyń ár aıynda elimizdiń qol jetkizgen tabysta­ry taqyryptar negizinde BAQ-tar­da jan-jaqty kór­setiledi. Olar, Siz atap ótkendeı, barlyq qazaqstan­dyqtarǵa tanys­ty­rylýy tıis. Budan soń Máýlen Áshimbaev Elbasynyń Qazaqstan halqyna Joldaýyn  jurtshylyqqa túsin­dirý jaıyna  toqtaldy. Onyń habardar etýinshe, Joldaýdy túsin­dirý jumystary jeti aıdy qam­tıdy. Prezıdenttiń ótken jylǵy Joldaýyn nasıhattaýda respýb­lı­kalyq jáne aımaqtyq BAQ-tarda 38 myńnan astam materıal jarııalanǵan. Bıyl budan kóp materıal jaryq kórmek.  Joldaýdy tú­sin­dirý, nasıhattaý aqparattyq ju­mystardaǵy negizgi basymdyq­tardyń biri bolyp tabylady. Táýelsizdiktiń 20 jyldyǵyna arnalǵan kórkem jáne  derekti  fılmder, beıne jáne aýdıorolıkter túsirilip jatyr, dep jal­ǵastyrdy sózin Prezıdent Ákim­shiligi Basshysynyń orynbasary. Jaqyn kúnderi olar telearnalarda kórsetile bastaıdy. Sony­men birge, saıası  partııalardyń, qoǵamdyq uıymdardyń, úkimettik emes uıymdardyń qatysýymen qoǵamdyq-saıası jáne patrıottyq aksııalar ótkizýdi josparlap otyr­myz. Bul sharalar 1 mamyr­da,  4 maýsymda, 6 shildede, 30 tamyzda jalǵasyn taýyp, 16 jeltoqsanda qorytyndylanady. Máýlen Áshimbaev, sondaı-aq Táýelsizdiktiń tolaıym tabysta­ryn kórsetetin kitaptar jaryq kóretinin, sheteldik BAQ-tarda da Qazaqstannyń bedelin kótere­tin materıaldar jarııalanaty­nyn atap ótti. Aldymyzdaǵy maq­sat – Qazaqstannyń Táýel­sizdik alǵannan bergi kezeńderde qol jetkizgen tabystaryn qazaq­standyqtarǵa jetkizý, sol ar­qy­ly Táýelsizdik qasıetti qundy­lyq ekenin árbir azamattyń sana­syna sińirý, dedi ol. Búgingi keńeste aldymyzǵa aqparattyq na­sıhatqa qatysty bergen tap­syr­­malaryńyz oryndalatyn bolady. Bıyl birqatar kórshi memleketter de ózderiniń Táýelsiz­diginiń 20 jyldyǵyn atap ótedi. Memleket basshysy Túrki tildes memleketter basshylarynyń Ke­ńe­sinde Ashǵabadta jastar festıvalin ótkizý týraly sheshim qabyldanǵanyn, ony da umytpaý qajettigin eskertti. Táýelsizdik alǵan jyly dúnıege kelgender 20 jasqa keledi. Mektepke barǵan 7 jastaǵy bala 27-ge, on jastaǵy 30-ǵa keledi. Sondyqtan bul jerde jastar tárbıesi, jastar saıa­saty erekshe ról atqarady, dep atap ótken Memleket basshysy Bilim jáne ǵylym mınıstri  Ba­qyt­jan Jumaǵulovqa sóz berdi. Bilim jáne ǵylym vedom­stvo­synyń basshysy negizinen Táýel­sizdiktiń mereıtoıyna arnalǵan Jalpyulttyq jospardaǵy ózde­rine qatysty sharalarǵa toqtal­dy. Baqytjan Tursynulynyń aı­týynsha, jospardaǵy 136 sha­ranyń 26-sy Bilim mınıstrligine bekitilgen. О́tkiziletin bul is-sharalardyń basym kópshiligi óz­deriniń bolasha­ǵyn Elbasymen baılanystyrǵan stýdent jastar­dyń tárbıesi men bilimine baǵyttalǵan. Mınıstrdiń habardar etýinshe, bilim berý salasynyń balalar baqshasynan bastap, ár mektep pen joǵary oqý oryndarynda 16 myńnan astam túrli taqy­rypta is-sharalar ótkiziledi eken. Osy­nyń aıasynda «Qazaqstandy 20 jyldyǵymen quttyqta» degen jalpyulttyq konkýrs uıymdas­ty­rylady. Eń tartymdy ótetin sharalardyń biri – shetelderde oqıtyn 30 myń qazaqstandyq stýdent pen Qazaqstanda bilim alyp júrgen 100 myń stýdent qatysatyn halyqaralyq shara bolmaq. Kelesi kezekte «Nur Otan» HDP Tóraǵasynyń birinshi oryn­basary Nurlan Nyǵmatýlın atap ótkendeı, partııa Jalpyulttyq josparǵa sáıkes arnaıy is-qı­myl josparyn ázirledi, qazirgi kezde ol júzege asyrylyp ja­tyr. «Nur Otannyń» uıymdasty­rýymen elimizdiń barlyq óńir­lerinde 7 myńnan astam shara ót­ki­ziledi. Onyń barlyǵy maqsat­kerlik taqyryptarǵa bólingen. Sonymen qatar, jastardy aýyl-selolardy kóriktendirip, áleý­met­tik nysandardy salý qury­lys­taryna kóptep tartý qaras­tyrylyp otyr. Partııanyń barlyq 275 ob­lys­tyq, qalalyq, aýdandyq fı­lıal­dary ózderiniń is-qımyl jos­parlaryn jasady, dedi Nur­lan Nyǵmatýlın ári qaraı. Olarda naqty nysandar jóninde kórsetilgen jáne sol nysan­dar­dy qarjylandyrý jergilikti at­qa­rýshy organdarmen birlese ju­mys júrgizýdiń nátıjesinde sheshildi. Búginde osyǵan baılanys­ty birqatar shara júzege asy­ryldy. Mysaly, 10 qańtarda eli­miz­diń barlyq aımaqtarynda Táý­el­sizdik tabystaryna baǵyttal­ǵan partııalyq aksııa bastaldy. Ol jyldyń sońyna deıin jal­ǵasady. Aksııanyń basty maq­sa­ty – Táýelsiz Qazaqstannyń osy jyldar ishinde qoǵamdyq-saıası, áleýmettik-ekonomıkalyq salalarda qol jetkizgen jetistikterin, baǵyndyrǵan belesterin kóp­shilikke uǵyndyrý, Joldaýda kór­setilgen áleýmettik máselelerdi sheshý. Memleket basshysy keńeste atap ótkendeı, mereıtoı jylyn­da­ǵy asa iri sharalardyń kópshi­ligi Qazaqstan astanasynda ótedi jáne bastaý alady. Bul qala basshylyǵyna erekshe daıyndyq jumystaryn júrgizýdi qajet etedi. Astana qalasynyń ákimi Iman­ǵalı Tasmaǵambetov Memleket basshysyna Astana kúni qar­sańynda elordada oblystardyń kúnin ótkizý jaıly usynys bildirdi. Prezıdent ákimniń bul usy­nysyn quptady. Keńesti Elbasy Nursultan Nazarbaev qorytty. Memleket basshysy Komıssııa tóraǵasynyń Táýelsizdiktiń 20 jyldyq mereı­toıyna daıyndyq týraly jasa­ǵan baıandamasynda mazmundalǵan is-sharalardy negizinen maqul­da­dy. Odan soń Prezıdent mereı­toıdy uıymdastyrýǵa qatysty birqatar usynystaryn ortaǵa sal­dy. Táýelsizdiktiń mereıtoıy memlekettiń jańa tarıhyndaǵy asa jarqyn aıtýly oqıǵa bolýy qajet, dedi Elbasy. Bul 2011 jyldyń ǵana emes, Táýelsizdik jyldaryndaǵy júrip ótken jol­dyń kvıntessensııasy. Sondyq­tan da bul jyl halyqtyń ál-aýqa­tyn kóterý jáne ekono­mı­kany sapaly arttyrýdaǵy jasam­pazdyq jyly bolýy qajet. Or­ta­lyq memlekettik organdardyń jáne jergilikti atqarýshy bılik­tiń jetekshileri oǵan basshylyq etýmen tyńǵylyqty aınaly­sýlary tıis. Odan keıin Prezıdent aldaǵy jumystardyń 8 algorıtmin atap kórsetti. Onyń birinshisi – 2011 jyl, bul – Táýelsiz Qazaqstan­nyń damýyn­da­ǵy tarıhı meje bo­lyp taby­lady. Osy jylǵa erekshe mártebe berý maqsatynda bul jyl Memleket basshysynyń Jarlyǵymen Táýelsizdiktiń 20 jyldyǵy dep resmı jarııa­landy. Jyl «Beıbitshilik pen jasampazdyqtyń 20 jyly» uranymen ótetin bolady. Ekinshi. Elimizdiń mereıtoıyn joǵary deńgeıde jáne tıimdi ótkizýdi úılestirý maqsatynda Memlekettik hatshy basqaratyn Táýelsizdiktiń 20 jyldyǵyn ót­ki­zý jónindegi memlekettik komıssııa quryldy. Onyń quramy­na Prezıdent Ákimshiliginiń, Úki­mettiń jaýapty qyzmetkerleri, Parlament depýtattary, ákimder men qoǵamdyq qurylymdardyń ókilderi kirdi. Komıssııa barlyq múddeli taraptar – memlekettik organdardyń, qoǵamdyq uıym­dar­dyń ÚEU jáne bıznestiń kúsh biriktirýin qamtamasyz etedi. Úshinshi. Mereıtoıdyń Tujy­rymdamasy men ótkiziletin sha­ra­larǵa qatysty. Memleket basshy­synyń atap kórsetkenindeı, me­reıtoıdy merekeleýge arnalǵan tujyrymdama oıdaǵydaı ázir­len­gen. Tujyrymdamada ártúrli baǵyttaǵy aýqymdy jumystar josparlanǵan, dedi Prezıdent osy týraly. Olardy oryndaý kerek. Formalızmge, qaıtalaý­shy­lyqqa jol berilmeıdi. Kez kelgen sharanyń ereksheligi men maz­mun­dylyǵy joǵary bolýy tıis. Úkimet «Qazaqstan Respýblıkasy Táýelsizdiginiń 20 jyldyǵy merekelik medali týraly» Jar­lyq­tyń jobasyn usynýy qajet. Bul medalmen elimizdiń qalypta­sýyna jáne Táýelsizdikti nyǵaı­týda erekshe úles qosqan azamattar nagradtalady. Prezıdent tórtinshi algorıtm retinde Úkimet ótkiziletin shara­lardy qarjymen qamtamasyz etý máseleleriniń jalpylaı alǵanda sheshilgendigin atady. Mereıtoı­dy atap ótýge memlekettik organdar ǵana emes, isker toptar da is-qımyl tanytýlary kerek. Bul mereıtoıdy laıyqty ótkizýge qosylǵan azamattyq paryz bolyp tabylady. Osyǵan baılanysty Elbasy Úkimetke «Samuryq-Qa­zyna» ulttyq ál-aýqat qorymen birlesip, qazaqstandyq kompanııa­lardyń demeýshilik qoldaý kór­se­tý máselesin daıyndaýdy tapsyrdy. Algorıtmniń altynshysy – tıisti aqparattyq-túsindirý ju­mys­taryn uıymdastyrý. Prezıdent bul máselede, jalpylaı alǵanda, mazmun bar ekenin, endi osylardyń barlyǵyn sapaly túrde júzege asyrý qajettigin ata­dy. Jetinshi. Saıası-gýmanıtar­lyq ınstıtýttardy, sondaı-aq shy­ǵarmashylyq ıntellıgensııa­ny Táýelsizdiktiń róli men ereksheligin tanystyrýǵa belsendi qatystyrý. Mereıtoı – Qazaq­stan­nyń qazirgi zamanǵy ta­rıhy­na arnalǵan ǵylymı eńbekterdi basyp shyǵarý úshin úlken múm­kindik. Ekonomıka men áleýmettik salany reformalaý, saıası jań­ǵyrý, syrtqy saıasatty qurý, jańa elorda, qazaqstandyq patrıotızm men halyqtar birligi, óńirlik ıntegrasııa – osylardyń barlyǵy jekelegen ǵylymı eńbekterde kórinis tabatyn jańa taqyryp­tar. Osy baǵytta naqty jumys­tar júrgizilip jatqanynan habar­darmyn, dedi Memleket basshysy. Naqty nátıje kútemiz. Segizinshi. Táýelsizdik mereı­toıyn merekeleýge azamattyq qo­ǵam ınstıtýttaryn jáne turǵyn­dar­dyń ártúrli tobyn keń kólem­de tartý. Memleket basshysy bul baǵytta «Nur Otan» partııasy, sondaı-aq Qazaqstan halqy Assam­bleıasy erekshe ról atqara­tynyn atap ótti. Sonymen qatar, Qa­zaq­stan Azamattyq alıansy bul is-sha­ralarǵa úkimettik emes uıym­dar­dy da tartý qajettigin eskertti. Táýelsizdik – bizdiń bo­lashaq urpaqqa amanat etip qal­dyratyn eń basty ıgiligimiz, dedi Elbasy sóziniń qorytyndy­syn­da. Elimiz­diń 20 jyl ishinde qol jetkizgen tabystary, qarqyndy damýy qa­sıetti uǵym – Táýel­siz­diktiń arqa­synda kelip otyr. Biz ony esh­qashan da umytpaýymyz kerek. Álısultan QULANBAI.