Aqtóbedegi alyp dombyra

qalanyń sánin keltirip tur Qalada qazir kóptegen jańa eskertkishter boı túzeýde. Alaıda, ol mýzykalyq aspapqa alǵash ret ornatylyp otyr. Mundaı eskertkish budan bir jyl buryn ornatylýy kerek eken. Biraq ony metaldan jasaıtyn sheber jýyq arada tabyla qoımaǵan. Tabylǵannan keıin birshama ýaqyt kelissózder júrgizilgen. Usta Qýatbek Es­janov kópke deıin buǵan kelisimin bermegen. Sheber qolym­nan kele me, kelmeı me dep biraz tolqyǵan syńaıly. Kóńiline senimdilik ornap, táýekelge bel býǵan sheber úsh aıda osy ásem eskertkishti jasap shyǵardy. Temirden quıylǵan dombyra eskertkishi Aqtóbe qalasynyń 147 jyl­dyǵy qarsańynda ashyldy. Temirden túıin túıgen sheber onyń birneshe nusqasyn jasaǵan. Túptep kelgende, sońǵy nusqasy qabyldanypty. Eskertkishtiń bıiktigi – 6,30 metr, eni – 1,40 metr, shanaǵy – 2,5 metr, al moıny 4 metr shamasynda. Dombyra eskertkishi 12 perne, qos ishekti bolyp keledi. Dombyranyń úkisine deıin umyt qalmaǵan. Eskertkish avtory Qýatbek Esjanovtyń aıtýynsha, mýzy­kalyq aspaptyń barlyq zań­dylyqtary saqtalǵan. Osyn­daı eskertkishter arqyly jas­tardyń júregine ulttyq qun­dylyqtarymyzdy qasterleý qa­sıetteri sińiriletini de sózsiz. Satybaldy SÁÝIRBAI, «Egemen Qazaqstan» Aqtóbe oblysy