Mal dárigeri tártiptik jazaǵa tartyldy

Mamyr aıynyń 17-si kúni «Ege­mende» «Baby kelmegen baǵdarlama» degen maqala jarııalandy. Syn maqa­lada Lebıaji aýdanyndaǵy «Jaı­laý» baǵdarlamasymen alynǵan 100 qoıdyń aýrýǵa ushyraǵanyn, qoı ıesi E.Bólekbaevtyń ne qoı joq, ne jaılaý joq, sharasyz kúıde qal­ǵanyn jazǵan bolatynbyz. Aýdan ákimi Serik Janǵazınovtyń jaýabyn biz kezinde gazette jarııalaǵanbyz. Endi Lebıaji aýdany pro­kýra­týrasynyń habaryn jarııalaýdy jón kórdik. Onda bylaı delingen: «2016 jyldyń naýryz aıynda aldyn alý sharalaryn iske asyrý barysynda E.Bólekbaevtyń sharýashylyǵynda brýsellez aýrýy bar degen kúdikpen 60 bas usaq mal anyqtalǵanyn jazady. Oryn alǵan fakti boıynsha aýdannyń ýákiletti organdary aýrý oshaǵyn shekteý úshin Shámshi aýylynyń aýmaǵynda karantın jarııa­laý boıynsha is-sharalar qabyldady. Brýsellez aýrýyna shaldyqqan 60 bas usaq mal et óndiretin kombınatqa tapsy­ryldy. Osy jaǵdaıǵa baılanysty, óziniń qyzmettik mindetterin tıisti dárejede oryndamaǵany, E.Bólek­baevtyń sharýashylyǵyndaǵy usaq maldy tolyq ıdentıfıkasııasyn ótkizbegeni úshin Qyzylásker veterınarlyq pýnktiniń meńgerýshisi Sháký Baıgózın tártiptik jazaǵa tartyldy». Farıda BYQAI, «Egemen Qazaqstan» Pavlodar oblysy