AQSh-ta 3-tegi bala úshin gorıllany óltirýshiler aıyptaldy (vıdeo)

ASTANA. 1 maýsym. AQSh-tyń Ogaıo shtaty Sınsınattı qalasynda haıýanattar parkiniń qyzmetkerleri 3 jasar balanyń volerge qulap ketkennen keıin ondaǵy 17 jastaǵy Harambe esimdi gorıllany atyp óltirgeni qoǵamnyń biraz qarsylyq qozǵalysyn týǵyzdy. Bul týraly bloknot.ru aqparyna silteme jasaǵan egemen.kz tilshisi habarlady. Qurama Shtattarda jeksenbi kúni birinshi kezekte volerdegi gorılla turǵan jerge qulap ketken balanyń ata-anasyn jazaǵa tartýǵa shaqyrǵan petısııaǵa 15 myńnan astam adam qol qoıdy. Qaýymdastyq sońy jazyqsyz ańnyń óltirilýine alyp barǵan oqıǵanyń oryn alýyna sebepshi bolǵandardyń áreketine ashý-yza bildiredi. «Gorılla balaǵa ata-anasy qaramaýynan qaza taýyp otyr. Áıtpese, ol volerge qulap ketepes edi. Balalaryna qaramaǵan ata-ana osy úshin jaýapqa tartylýǵa tıis», – delingen qozǵalys habarlamasynda. Eske sala keteıik, 29 mamyr kúni Amerıkanyń Sınsınattı qalasyndaǵy haıýanattar parkiniń qyzmetkerleri Harambe degen gorılla turǵan volerge 3 jasar bala qulap ketkennen keıin maımyldy atyp óltirýge májbúr bolǵan. Qyzmetkerler janýardy atyp óltirýge sheshim qabyldaǵanǵa deıin 10 mınýt boıy ol balany qolynan shyǵarmaı ustap júrgen. Zoopark qyzmetkerleri gorıllany trankvılızatormen atyp, uıyqtatyp tastaýǵa batyldyq jasaı almaǵan. Sebebi, ol uıyqtaımyn degenshe, balaǵa zalal keltirip tastaı ma dep qorqyqqan. Talǵat Raıymbek. Derek, foto: bloknot.ru.