Mysyrda jýrnalıst ulynyń esimin Pýtın dep qoıdy

ASTANA. 1 maýsym. Mysyr astanasy – Kaır qalasynda turatyn jýrnalıst ári aýdarmashy Moamen Mýhtar keshe týǵan ulyna «Pýtın» degen at berdi. Bul týraly ras.kz-ke silteme jasaǵan egemen.kz tilshisi habarlady. Jýrnalıst muny 1 maýsym, sársenbi Facebook áleýmettik jelisindegi paraqshasynda qaldyrǵan postysynda baıandap beripti. «Allaǵa shúkir. Alla maǵan ul berdi. Ony aty-jóni – Pýtın Mýhtar», – dep jazypty Moamen. Ol óziniń bul sheshimin «álemde 100 Vladımırdiń barlyǵymen, biraq olardyń arasynda bireýiniń ǵana Pýtın ekenimen» túsindiripti. Postqa túsindirme jazýshylar sol boıda Moamendi ulynyń týylymen quttyqtap jatyr. Olar sonymen birge endi ózin Vladımır Pýtınniń ákesi sanaýyna bolatynyn aıtyp, qaljyń bildirip te jatqan kórinedi. «Quttyqtaımyz seni, Pýtınniń ákesi! Ony sen endi Kremlden kem etpeı tárbıele», – degen tilek bildiripti jigitke áleýmettik jelidegi tanystary. Budan buryn Germanııada turatyn sırııalyq arab jańa týǵan qyzyna «Rossııa» degen esim berýimen jurttyń jadynda qalyp edi. Biraq sheneýnikter munyń adam aty emes, memlekettiń ataýy ekenin alǵa tartyp, jańa nyspyny tirkemeı qoıǵan eken. Áıtkenmen, tabandy sırııalyq óziniń maqsatyna jetý úshin sotqa deıin júginip, aqyry qyzyna sol ataýdy bergizdirgen eken. Qazir Rossııa atty qyz Germanııa ǵana emes, Eýroodaqtyń da málimetter bazasynda tirkeýli tur. Talǵat Raıymbek. Derek, foto: ras.kz.