Taǵdyryma rızamyn

VII Qysqy Azııa oıyn­darynyń Astana men Almatyda ótýi el ómirindegi eleýli jańa­lyq. Onyń ústine tórt jylda ótetin dúbirli jarys Azııa elderi ishinde tuńǵysh ret táýelsizdiktiń 20 jyldyǵyn ataǵaly otyrǵan Qazaqstanda bolýy kez kelgen otandasymyzdy qýanyshqa bóleı­tini sózsiz. Azııa oıyn­darynyń saltanatty ashylýyna jasym 74-ten asyp ketse de kindik qanym tamǵan Lýgovoıdan arnaıy keldim. Búkil qazaqstandyqtar jáne sheteldikter Azıadanyń salta­nat­ty ashylýyn óz kózderimen kórip, erekshe tebirengeni sózsiz. Elimizdiń keshegisi men búgingi­sinen tereń syr shertetin sahna­lyq kórinis erekshe áserli ótti. Tipti, bul kórinisten elimizdiń nebári 20 jyl ishinde talaı asýlar men belesterden ótkenin ańǵartsa kerek. Men de Azııa oıyndarynyń ashylý saltanaty kezinde erekshe tebirendim, keleshekte de Qazaqstannyń ataq-dańqynyń asqaqtaı beretinine kóz jetkizdim. De­mek, óz jerimizde ótip otyrǵan Azıada da ko­man­dalyq esepte al­ǵashqy úsh­tik­ten kórinsek, aby­roı bolar edi. Elbasy N.Nazarbaevtyń ashylý sal­tana­tynda sóılegen sóz­deri táýelsiz Qazaqstannyń alar asýlary­nyń áli bıik ekenin ańǵartsa kerek. Eń sońynda jeti birdeı aıtýly azamattarymyz­dyń Azııa oıyn­darynyń alaýyn jaqqany qan­daı áserli boldy deseńizshi. Jeti sıfry jamba­symyzǵa oń keledi. Demek, úshtik­ti qoıyp, koman­dalyq esepte top jarsaq, aıyp emes shyǵar. Ermahan – meniń jetinshi balam. Anasy ekeýmiz 10 balany tárbıe­lep, ósirdik. Alaý jaqqan Erma­hanymnyń izbasar­lary bola­shaq­ta da kóbeıe berse degen oıda­myn. Saǵı YBYRAIYMOV, bokstan Sıdneı Olımpıadasynyń chempıony Ermahan Ybyraıymovtyń ákesi. Sýrette: Saǵı aqsaqal  Azıa­­danyń ashylý saltanatyn tamashalap otyr.