Isker áıelderge qoshemet zor

Keshe «1 maýsym – Halyqaralyq balalardy qorǵaý kúni» aıasynda «Atameken» UKP Isker áıelder keńesiniń II kongresi ótti. «Qazaqstan – jańa múmkindikter» taqyrybyndaǵy kezdesýge elimizdiń isker áıelderi men Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraıymynyń orynbasary Lázzat Súleımen men «Atameken» Ulttyq kásipkerler palatasynyń basqarma tóraǵasy Abylaı Myrzahmetov qatysty. Názikjandylardyń kásip­ker­likti damytýdaǵy róline arnalǵan kongress sessııasyn ashqan «Atameken» UKP Isker áıelder keńesiniń tóraıymy Láz­zat Ramazanova bir jyl ishin­de atqarylǵan jumys nátı­je­simen bólisti. Onyń aıtýy boıynsha, Isker áıelder keńesi ár óńirdi aralaı kele, aımaqtardaǵy arýlardyń kúsh-jigerine senip, óz betinshe kásip ashýyna qolǵabys ete otyryp, olarǵa kásipkerlik salasynda baq synaýǵa septesýde. Jáne de marketıngtik qyzmet kórsetip, qajet mamandyqtar jóninde keńester berilip, bıznes-jos­par qurýǵa jáne qujattar jı­naýǵa kómegin beredi, deıdi keńes tóraıymy. Sonymen qatar, Ult­tyq palatanyń Isker áıelder keńesiniń qoldaýymen kóptegen biregeı, áleýmettik jáne ınno­vasııalyq jobalardyń júzege asqanyn jetkizdi. Jıyn barysynda «Ata­meken» UKP-nyń isine adaldyǵy úshin arnaıy marapattalǵan kásipker áıelder ortaǵa shaqy­ryldy. Bul rette sóz alǵan Ulttyq palatanyń basqarma tóraǵasy A.Myrzahmetov jıyl­ǵan qaýymdy «Atameken» UQP tóralqa tóraǵasy Tımýr Qulybaevtyń jáne basqarmanyń atynan quttyqtady. Sonymen qatar, ol bir jyl ishinde Isker áıelder keńesiniń jumysy joǵary jyldamdyqpen jandana túskenin jetkizdi. Jıynda kelesi sóz alǵan Prezıdent janyndaǵy Áıelder isteri jáne otbasylyq-demo­gra­fııalyq saıasat jónindegi ult­tyq komıssııa tóraıymynyń orynbasary Lázzat Súleımen barshany Ulttyq komıssııa aty­nan «Atameken» UKP Isker áıelder keńesiniń II kongresiniń ashylýymen quttyqtaı otyryp, búgingideı isker áıelder otyrysynda názikjandylardyń jumysyn jandandyrýda aıtylatyn usynystar, oı-pikir­ler eldiń serpindi damýyna, ha­lyqtyń ekonomıkalyq-áleý­mettik áleýetin arttyrýǵa óz úlesin qosatynyn aıtty. Son­daı-aq, elimizde úlken bedeldi uıymǵa aınalyp otyrǵan «Ata­meken» UKP bastamasymen qu­rylǵan Isker áıelder keńesiniń bir jyldyq jumysyna joǵary baǵa berdi. Elmıra MÁTIBAEVA, «Egemen Qazaqstan»