70-tegi sportshy

Eýropanyń eki dúrkin chempıony atandy Portýgalııanyń Porto qala­synda ótki­zilgen ardager sportshylar arasyndaǵy Eýropa chempıonatynda kókshetaýlyq Borıs Nuǵmanovqa teń keler eshkim tabylmady. Álemniń 14 memleketinen 140 sportshy qatysqan dodaly jarysta Borıs Nuǵmanov gir kóterýden qos saıysta eki birdeı altyn medaldi jeńip aldy. Tartysty básekede kók­shelik aqsaqal julqı jáne serpe kóterýde aldyna jan salmady. Bıyl óziniń 70 jyldyǵyn atap ótken Borıs aǵamyz buǵan deıin de halyqaralyq jarystarǵa qatysyp, júldeli oryndardy enshilegenin bilemiz. О́ne boıy ónegege toly B.Nuǵmanovtyń oblystyq, respýblıkalyq jarystarda mereı bıiginen kórinip júrgen shákirtteri de kóptep sanalady. – Portýgalııadaǵy biz qatys­qan jarysta gir kóterýshi stý­dentterdiń VI álem chempıo­naty qatar ótkizildi. Sportshy­lardyń aıaq alysyn baqylap otyrdym. Baıqaýymsha, bizdiń stýdentterimiz olardan kem túspeıtin sııaqty. Sondyqtan, jas­tardy sporttyń osy túrine baýlyp, ózim de buǵan belsene qatyssam deımin, deıdi ardager aǵamyz. Baqbergen AMALBEK, «Egemen Qazaqstan» Aqmola oblysy