Djeıms Kýk kemesiniń qańqasy

Amerıka jaǵalaýynan tabyldy Aǵylshynnyń ataqty teńizshisi, kartografy jáne jańa jerler ashýshy-zertteýshisi Djeıms Kýktiń «Indevor» kemesiniń qańqasy tabyldy. Dańqty kapıtan 1770 jyly Avstralııa qurlyǵyn ashqannan keıin Amerıkaǵa bettegen eken. Budan úsh ǵasyrǵa jýyq ýa­qyt buryn muhıt aıdynynda saıran salǵan korabldiń qal­dyqtaryn Rhode Island Marine Archeology Project (RIMP) atty kommersııalyq emes uıym qyz­metkerleri AQSh-tyń Rod-Aı­lend shtatyndaǵy Nıý­port qala­syna jaqyn jerden kezik­tirgen. RIMP atqarýshy dırektory Ketı Abbasstyń aıtýynsha, Kýk ekspedısııasynan keıin «Indevorǵa» «Lord Sendvıch» de­gen jańa ataý berilgen. Uıym músheleri 1778 jyly Rod-Aılendke shabýyl jasaý qarsańynda Narragansett buǵazyn blokadaǵa alý kezinde brıtanııalyqtar korabldi taǵy 12 kememen birge sýǵa batyryp jibergen degen boljamdy alǵa tartady. Qazir olar sý kóliginiń toǵyz jerinen jarylǵanyn aıtady. Birinshi talpynysta birden bes keme sýǵa batyrylǵan. Solardyń arasynda«Lord Sendvıch» te bolǵan. «Nıýportta revolıýsııa ke­zinde sýǵa batyrylǵan barlyq 13 kemeniń de Amerıka tarıhynda alatyn orny zor», – dep esepteıdi zertteýshiler. Qazir olar kemeler men olardyń batyrylǵan jerlerin muqııat tekserip shyǵyp, bulardyń naqty qaısysy «Indevorǵa» tıe­sili ekenin anyqtaǵaly otyr.  Rýslan IGILIK