Internet saýdagerleri

endi salyq tóleıtin bolady Qarjy mınıstrliginiń memlekettik kirister komıteti áleýmettik jelilerdegi jeke paraqshalary arqyly saýda jasap júrgen azamattardy salyq tóleýge mindettedi. – Meniń oıymsha, tólenetin soma asa kóp emes. Jeke kásip­kerler tóleıtin salyq pen patent kólemi 3 paıyzdan aspaıdy. Zań bárine ortaq, bári de tóleýi shart. Biletinimizdeı, saýda oryndarynda qyzmet etetinder bul mindetti tolyq oryndaıdy. Alaıda, tehnologııanyń damyǵan zamanynda ınternet arqyly saýda jasaıtyn azamattardyń tólemeýi esh negizsiz, – dedi memlekettik kirister komıtetiniń tóraǵasy Dáýlet Erǵojın. Bul istiń búginge deıin ne úshin qaralmaı kelgenin atalǵan komıtet tóraǵasy o basta jibergen muqııatsyzdyǵynan bolyp otyr­ǵanyn aıtty. – Túsindirý jumystary júr­gizildi. Olardyń kóbisi kelisimderin berdi. Biz ony tirkelgenderdiń kóptiginen bilip otyrmyz. Shaqyrý jibergenderdiń 99 paıyzy kásipker retinde tirkeldi ári osyǵan baılanysty kásipkerlik jumysty júzege asyryp jatyr. Qazirgi tańda olarǵa esh narazylyǵymyz joq. Endigi jyl qorytyndysy boıynsha, olardyń salyqtyq mindetterin qalaı oryndaıtynyn kóremiz, – dedi Dáýlet Erǵojın. Aıan ÁBDÝÁLI, «Egemen Qazaqstan»