Erteńge senimdilik jalǵastyǵy

Bıylǵy Joldaýdyń ereksheligi memleketimizdiń jáne ha­lyqtyń 2020 jylǵa deıingi damý jolyn baǵdarlap berip otyr. Áleýmettik salany qoldaýǵa, res­pýblıka tur­ǵyn­­daryn ju­mys­pen qam­tý­ǵa basa kóńil bó­li­nedi. Bar­lyq óńirde qolynan is keletin adamdardyń jumysqa tar­tylýy, jańa maman­dyq­tarǵa ıe bolýy atap óterlik jáıt. О́ıtkeni, eńbek etken árbir adam ózin de asyraıdy, otbasyn da asyraıdy. Sony­men qatar, mem­lekettiń alǵa basýyna úles qosa­tyny anyq. Elbasy densaýlyq saq­­taýǵa, azamattarymyzdyń sa­la­mat­­ty ómir saltyn saqtaýyna basa nazar aýdarylatynyn aı­typ ótti. Áleýeti artqan eldiń turǵyndary da uzaq jasaýy tıis. Memleket bas­shysy aldaǵy ýaqytta ortasha ómir súrý uzaqtyǵyn 72 jasqa jáne odan da joǵary mejege jetkizý kózdelip otyrǵanyn jetkizdi. Sońǵy úsh jyl boıy zeı­net­aqy men járdemaqy, bıýdjettik mekeme qyzmet­ker­leriniń jal­aqysy ósti. 2009 jyly jáne 2010 jyly 25 paıyzǵa kóteril­gen bolsa, bıyl 1 qańtardan bastap zeı­netaqy 30 paıyzǵa artty. Al bıyl bıýdjet qyzmet­ker­leriniń eńbekaqysy 30 paı­yzǵa ósetinin jáne eske sal­dy. Aıta ketý kerek, álemdik qarjy daǵdarysy kezinde kóptegen dáý­letti memleket­terdiń ózderi zeınetaqyny da, eńbek­aqy­ny da qysqar­typ jatqanda, bizdiń el­diń ósirip otyrǵany halyq úshin aıryqsha oqıǵa. Elbasy óz sózinde bul «Nur Otan» par­tııasynyń baǵdarlamasymen de sáıkes keletinin, tipti onda 2012 jyly osyndaı mejege jetý kóz­delgen bolsa, bizder 2011 jyly qol jetkizip otyrǵanymyzdy atap ótti. Tyń bastamanyń biri – osy Joldaýda turǵyn úı-kom­mýnal­dyq sharýashy­lyq­ty alǵa bas­ty­rý jaıy jaq­sy kóterildi. Shy­nymen de, osy salanyń kúrdeli másele­leri kópten beri halyqty tolǵan­dyryp júretin edi. Qar­jy­­nyń joqtyǵynan keıinge qa­lyp keldi. Kóptegen qala­lar­daǵy úılerdiń kom­mý­nı­ka­sııa­sy tozǵan. Kúr­de­li jón­deý­den ót­ki­zý ońaıǵa soq­paı­dy. Aýystyrý da kóp qar­jyny talap etedi. Ol úshin turǵyn úı-kom­mý­naldyq sha­rýa­shylyqty da­mytý baǵdar­la­masy qolǵa alynyp, memleket qarjy ıns­tıtýttaryn tartatyn bo­la­dy. Elbasy  Úki­­metke or­taq múlikti jón­deý jáne qal­pyna keltirý ju­mys­ta­ryn keńinen qar­jy­lan­dyrý tetikterin ázir­leý­di tapsyr­dy. Osy arqyly biz­diń elimizdegi turǵyn úı jaǵ­daı­yn jaqsartyp qana qoı­maı, aza­mattardyń óz múlik­te­rin saqtaý jaýapkershiligin de arttyra alaty­nymyz anyq. Elbasy tarapynan aýyz sý máselesi de oryndy qoz­ǵaldy. Tek aýyldyq jerlerde ǵana emes, qalalarda da sý máselesi ót­kir kúıinde tur. Sý qubyr­la­ryn jóndeý, tıimdi paıdalaný má­selelerine basa kóńil bólinedi. Qazaqstan jańa damý jo­lyna tústi. Ol – ındýs­trııa­lyq-ınnova­sııalyq damý baǵ­darlamasy. Elbasy osy jospar aıasynda 152 kásip­oryn­nyń ashylǵanyn, 24 myńdaı qazaqstandyqtyń turaqty ju­myspen qamtylǵanyn aı­typ ótti. Nursultan Ábishuly 2014 jylǵa deıin 8,1 trln. teńgeni quraıtyn 294 ınves­tı­sııalyq jobany iske asyrý josparla­nyp otyrǵanyn da jarııa etti. Sonyń nátı­je­sinde, 161 myń turaqty ju­mys orny ashylyp, 207 myń jumys orny qury­lys merzimi kezinde ashylatyn bola­dy. Bul el turǵyn­darynyń áleýmettik jaǵ­daıy jaqsara túsýi úshin ashylǵan dańǵyl jol dep bilemin. Qazaqstandaǵy turaqty­lyq­tyń saqtalýy, ultara­lyq keli­sim­niń jarasym ta­býy álemge úlgi boldy. So­nymen qatar, elimizge ınvestısııa kelýine oń yqpal etkeni daýsyz. Qazaqstan ekono­mıkasyna 120 mlrd. dollardan astam ınvestısııa quı­yl­ǵany – úlken kórsetkish. Bul tusta Qa­zaq­stan Respýb­lıka­sy­nyń Tuń­ǵysh Prezıdenti Nursul­tan Na­zarbaev­tyń álem aldyndaǵy aby­roıy aıryqsha ról atqaryp otyr. Elbasy ana tilimizdiń qa­dirin arttyrýǵa baılanysty da jaqsy bastama kóterdi. Memlekettik tildi biletin­der­diń sany elimizde 70 paı­yzdan asqan. 2020 jyly el turǵyndarynyń 95 paıyzy qazaq tilin bilýi tıis ekenin málim etti. Bul oraıda, sońǵy jyldary ana tilimizde dáris beretin mektepterdiń ashy­lýyn, «Balapan» baǵdarla­masy aıasynda balabaqshalar ashy­lýyn erekshe aıtar edim. Turarbek ASANOV, Parlament Májilisiniń depýtaty.