Shymkentshabyt

«Men aýyzbirshilikten aınymaıtyn aqjúrek jurtymnyń qýatty ultqa, shýaqty ulysqa aınalaryna kámil senemin», degen Elbasynyń jańa Joldaýyndaǵy jarqyn sózin «Ulysymnyń uıytqysy – Ońtústik» atanǵan óńirdiń jurtshylyǵy aıryqsha sezimmen qarsy aldy. Sizdiń tilshińiz oblys ortalyǵyndaǵy alýan túrli ujymdarda bolǵan edi. Aıtylyp jatqan oı-pikirlerdi Shymkentshabyt deýge ábden laıyq. * * * ZAÝYTTA......................................... Qydyráli QÝANDYQOV, «Qaınarmaı» zaýytynyń aýysym bastyǵy: – Joldaýda ındýstrııalandyrý óńirlik saıa­sat­tyń jańa paradıgmasyn qalyp­tasty­raty­ny, óńirlerdi damytýǵa basa nazar aýdary­la­ty­ny aıryqsha aıtylǵan. Bári­miz­diń de búgingiden áldeqaıda jaqsyraq, dáý­lettirek ómir súrgimiz keledi. Elbasymyz ylǵı da kásipkerlikke keremet kóńil bóledi. «Men bıznes qýatty bolsa, mem­leket te qýatty degen qaǵıdatty jaqtaý­shy­myn»,  dedi Prezıdentimiz óziniń Jol­daýynda. Osy sózdiń ózi bizge qanat bitirdi. «Qaı­nar-maı» birtalaı jyldan beri ósimdik maıyn óndiredi. Maı shyǵaratyn zaýyttan basqa kóptegen salalardy damytýmen de aı­nalysamyz. Eńbegine sengenniń eńsesi bıik ekeni aıan. Elbasymyzdyń kóregendigi, Táýelsiz­diktiń 20 jyldyǵy jańa belesterge qulshyndyrady. * * * KORPORASIIаDA................................ Ráshkúl OSPANÁLIEVA, «Bereke» korporasııasynyń bas dırektory, OQO máslıhatynyń depýtaty: – Elbasymyzdyń jyl saıynǵy Jol­daýy – «Bereke» korporasııasy úshin úlken mereke. Bizdiń bıznesimiz táýelsizdigimizdiń áýelgi jyldarynan-aq Tuńǵysh Prezıdenti­miz­diń qaltqysyz qamqorlyǵymen kórkeıip keledi. Árıne, qıyndyqtar, kúrdeli jaǵ­daılar kóp kezdesti. Solardyń bárin jeńýde biz Memleket basshysynyń jylýarly jár­demin sezinip, jigerlenip júrdik. Búginde «Bereke» búkil elge belgili. Avtomobıl jol­daryn, kópirler salýda, jalpy qurylys bıznesinde aldyńǵylar sapyndamyz. Ma­man­darymyz­dyń sheberligin shet elderde jáne ózimizde shyń­daımyz. «Bız­nestiń áleý­mettik jaýapkershiligi» baǵ­dar­lamasy boıynsha da el alǵysyna bólenýdemiz. Prezıdentimizdiń jańa Joldaýy «Bola­shaqtyń irgesin birge qalaımyz» dep ata­lady. Al irge, irgetas qalaýdyń qadir-qa­sıe­tin bizdiń «Bereke» ujymy tereń túsinedi. * * * FABRIKADA......................................... Jumagúl BAIJANOVA, «Melanj» fabrıkasy tigin óndirisiniń bastyǵy: – Bizdiń fabrıkanyń ujymynda «Bolashaq­tyń irgesin birge qalaımyz» atty jańa Joldaý jan-jaqty talqylanýda. Báriniń de bildirer oı-pikirleri joq emes. Báriniń de ynta-yqy­lastary joǵary. Turaqty jumys oryn­da­ry, jaqsy tabystary, jarasymdy turmystary úshin eldik aýyzbirshilikke, turaqtylyq pen beıbitshilikke, saıyp kelgende, Ult Kósh­bas­shy­synyń keleshekti kemel boljaıtyn baıyp­ty­lyǵyna alǵys jaýdyrady. «Melanj» fab­rı­kasynyń qol jetkizgen nátıjeleri burynnan-aq belgili. Qazir bizde 650 adam jumys isteıdi. Kóptegen ulttardyń ókilderi tatý-tátti eńbek etedi. Shymkent shyraıyna rııasyz rızalyq raı qosa beremiz. * * * ÝNIVERSITETTE................................ Jumabek BAHOV, M.Áýezov atyndaǵy OQMÝ ǵylymı jumystar jáne halyqaralyq baılanystar jónindegi prorektory: – Eldiń ósip-órkendeýi bilim men ǵylymnyń deńgeıine tikeleı baılanysty. Bilimniń joǵary, sapaly, zaman talabyna saı bolýy úshin ǵylymnyń jańa jetistikterine, sońǵy serpilisterine súıenýi kerektigin álemdik tájirıbeden jaqsy bilemiz. Qazirge deıin bizde bilim men ǵylym bólekteý, derbesteý damyp keldi. Son­dyq­tan naqty tájirıbe men mamandardy teorııalyq daıyndaý arasynda edáýir alshaq­tyq bolǵany ras. Endi osy olqylyqty túzetý maqsatynda mamandardy bilim men ǵylym unasymdy úılesken ortada daıarlaýǵa betburys jasalýda. Elordadaǵy «Nazarbaev Ýnıversıteti» bilim men ǵylym bite qaınap-pisetin, birge óris alýdyń ónegesi bolatyn ınnovasııalyq modelge aınalmaq. Bilim salasynyń 2020 jylǵa deıingi memlekettik damý baǵdarlamasy, «Ǵylym týraly» zań endi, mine, eren qujat Elbasy Joldaýy – bári elimizdi bıik belesterge jeteleıdi dep senemiz. KOLLEDJDE...................................... Gúlzat YSQAQOVA, Shymkent kólik-kommýnıkasııa jáne jańa tehnologııalar kolledji dırektorynyń orynbasary: – Kolledjimizde Prezıdent Joldaýy qyzý talqylanyp, qoldaý tabýda. Jańa Joldaýda bilim berýdiń sapasyn arttyrý jáne qol­jetimdiligin keńeıtý úshin bilim berýge qoldaý kórsetýdiń jańa qarjylyq-ekonomı­ka­lyq quraldaryn engizý jaǵdaıy, elek­tron­dy oqytýdyń paıyzdyq kórsetkishterine deıin naqtylanǵan. Búgingi tańda bizdiń kolledjde 2600-ge jýyq jas óren avtomobıl kóligi, kóterý-transporttyq jol máshıneleri, tasy­mal­daý­dy uıymdastyrý, temir joldyń jyl­jy­maly quramdaryn jóndeý jáne tehnı­ka­lyq kútý, avtomatıka, telemehanıka jáne kólik qoz­ǵa­lysyn basqarý, munaı-gaz stansalary sala­la­ry boıynsha túrli mamandyqtardy ıgerýde. Bulardyń bári de, Joldaý turǵysynan qaraǵanda, bolashaq­tyń irgesin qalaýǵa asa qajetti, dilgir mamandyqtar. Jastar da, ustazdar da muny baǵalaı biledi. Kolledjde 150-den asa oqytýshy eńbek etedi. Bári de shákirttermen birge Elbasynyń Joldaýyn zeıin qoıyp, zerdeleı oqý ústinde. Mine, qaıda barsańyz-daǵy baq-bere­kege, yrys-qutqa, Qazaq eliniń bola­sha­ǵyna nyq sengen otanshyldardyń oı-sa­na­syndaǵy sáýleli sergektikti baıqaı­syz. Shym­kentke kóktem jyldaǵydan da erterek kele jatqandaı jaıdar­mandyqty sezinesiz. Marhabat BAIǴUT. Ońtústik Qazaqstan oblysy.