Japonııa oqýshylary elektrondy oqýlyqtarǵa kóshedi

ASTANA. 4 maýsym. Japonııada mektep oqýshylary 4 jyldan keıin elektrondy oqýlyqtarǵa kóshedi. Bul týraly rosbalt.ru saıtyna silteme jasaǵan egemen.kz tilshisi habarlady. Mundaı sheshimdi ótken beısenbi kúni, 2 maýsymda Japonııanyń bilim mınıstrligi qabyldady. Planshet túrindegi elektrondy kitaptar kórnektiligin, sondaı-aq dáris barysynda túrli sýretter men dybys fýnksııalaryn qosýdyń arqasynda oqytý múmkindikterin keńeıtedi. Bul aǵylshyn tilin oqytýdyń, sonymen qatar múgedek balalarǵa da úıretýdiń sapasyn arttyrýyna jaǵdaı jasaıdy. Alǵashynda elektrondy oqýlyqtar qaǵaz oqýlyqtarymen birdeı paıdalanylady. Al ary qaraı qaǵaz túrindegi kitaptar aqyryndap aınalymnan shyǵady. Alaıda, memleket barlyq oqýshylardy jańa kitap túrimen qamtamasyz ete almaıtyny da aıtyldy. Osyǵan baılanysty shyǵynnyń bir bóligi ata-analardyń moınyna júkteledi. Kútilip otyrǵandaı, bul istiń tájirıbe júzinde engizilýine daıyndyq jumystary 2016 jyldyń sońynda bastalady. Aıan Ábdýálı. Derek, foto: rosbalt.ru.