Endi Ilıa Ilın de dopıng kúdigine ushyrap otyr

ASTANA. 4 maýsym. Polshanyń Polska Sztanga portaly qazaqstandyq aýyr atlet Ilıa Ilınniń Olımpııalyq oıyndarda jeńip alǵan altyn medaldarynan aırylyp qalýy múmkin degen boljam bildirdi. Bul týraly Sports.kz aqparyna súıengen egemen.kz tilshisi habarlady. «Ilın dopıng-tekseriste oń nátıje kórsetken kezekti Olımpııalyq oıyndar chempıony boldy. Ádette ol álemniń barlyq ýaqyttardaǵy úzdik ziltemirshileriniń birinen sanalýshy edi: 2008 jáne 2012 jyldarǵy Oıyndarda altyn medal jeńip aldy, sondaı-aq, álem chempıonattarynda 4 ret jeńiske jetti. Budan buryn Qytaı BAQ-tary bul tizimge on sportshynyń ilingenin, aralarynda Ilınniń de bar ekenin jarııalaǵan edi», – dep jazady basylym. Eske sala keteıik, munyń aldynda Qazaqstannyń taǵy bir Olımpııalyq oıyndardaǵy chempıony – Londonda altyn medal jeńip alǵan Zúlfııa Chınshanlonyń dopıng-tekserisi oń nátıje bergeni habarlanǵan bolatyn. Talǵat Raıymbek. Derek, foto: Sports.kz.