Sırııada lańkestik shabýyldan 270 adam qaza tapty

ASTANA. 5 maýsym. Sırııada lańkestik shabýyldardan 270 beıbit turǵyn qaza tapty Bul týraly rg.ru saıtyna silteme jasaǵan egemen.kz tilshisi habarlady. Ekstremısterdiń áreketinen taǵy júzdegen adam túrli deńgeıde jaraqat aldy. Vedomstvanyń habarlaýynsha, Sırııada ótken táýlikte oq atpaý rejimi 10 ret buzylǵany anyqtaldy, olardyń segizi – Aleppo qalasynda, ekeýi – Damaskide. «Djabhat an-Nýsra» lańkestik uıymynyń sodyrlary Aleppoda reaktıv júıesinen jáne mınometpen eki dúrkin oq atty. Beıbit bitimge kelý jónindegi ortalyq, áskerı áreketterdi toqtatý týraly jarııalaǵan Sırııadaǵy úkimet jasaǵy oppozısııalyq áskerılendirilgen qurylymǵa soqqy jasamaǵanyn málimdedi. Al Sırııadaǵy beıbit kelisimge qosylýshy eldi mekenderdiń sany bir táýlik ishinde 133-ke jetti. Osyǵan deıin belgili bolǵandaı, kúrd jasaqtary Sheıh-Maksýd Aleppo oramynda ózderi qorǵap otyrǵan jerlerin tastap ketken. Olar sodyrlardyń toqtaýsyz jasaǵan shabýyldarynan keıin sheginis jasaýǵa májbúr boldy. Aıan Ábdýálı. Derek, foto: rg.ru.