Belgili jýrnalıst Farıd Seıfýl-Mýlıýkov qaıtys boldy

ASTANA. 5 maýsym. Máskeýde belgili halyqaralyq jýrnalıst, shyǵystanýshy-arabıst Farıd Seıfýl-Mýlıýkov 85 jasynda ómirden ótti. Bul týraly «Vestı.Ru» aqparyna súıengen egemen.kz tilshisi habarlady. Kezinde Keńes Odaǵy turǵyndaryna Ortalyq televıdenıeden beriletin «Álem búgin» jáne «Halyqaralyq panorama» baǵdarlamalarynyń úzdiksiz júrgizýshisi retinde jaqsy tanymal bolǵan halyqaralyq sholýshynyń neden qaıtys bolǵany ázirge aıtylyp jatqan joq. Onyń tek osydan birer kún ǵana buryn Reseı telearnalarynyń birine suhbat bergeni ǵana belgili. Farıd Seıfýl-Mýlıýkov О́zbekstanda týyp-ósken. Máskeý shyǵystaný ınstıtýtyn úzdik bitirgen. 1964 jyldan Ortalyq televıdenıe jáne radıohabarlaryn taratý komıtetinde saıası sholýshy bolyp keldi. Ol 1960-1970 jyldary sondaı-aq, keńes televıdenıesiniń Lıvandaǵy, keıinirek Shveısarııadaǵy tilshiler beketin basqardy. Farıd Seıfýl-Mýlıýkov Reseı ónerine eńbegi sińgen qaıratker. KSRO Memlekettik syılyǵynyń laýreaty. Onyń qalamynan týǵan saıası saraptamalar birneshe kitap bolyp jaryqqa shyqty. Sonyń ishinde «Iran búgin jáne erteń», «Afrıkadaǵy portýgal otary» kitaptary oqyrman qaýymnyń jaqsy yqylasyna bólendi. Marqumdy jerleý 6 maýsym, dúısenbi kúni ótedi. Talǵat Raıymbek. Derek, foto: Vestı.Ru.